Johhan Matz Wannastkullast kaibap, et Peter Wiggel om omma woimuga temma tee ärra kündnu, ütten ka pri platsi ni et kostki ennamb wälja pässeda ei olle.

Wallawannemb J. Hormi, wöörmönder Josep Kurwits ni kohtomees Peep Tobre omma sedda ülle käenu ja tunnistawa Johan Matsi kaibust õiges. -

Peter Wiggel wastutap, et Johhan Matz lasku wahhe wärra wallale, kea ajastaja kinni omma olnu. Walla wallitsusse tunnistusse perra ei ollew neid warrijit suggugi waja wallale tetta. -

Mõistetu: Selle, et Peter Wiggel ütte iggawest teed ja jäädwat platsi omma wõimuga om ärra kündnu, nink et ne wärra jobba 4 aast. kinni olliwa, - Peter Wiggel ei olle toll kõrral kohhegi kaibanu, nink nüüd walla wallitsusse tunnistusse päle, et neid waja ei olle, jäwa eddespidi ka ne wärra kinni. Küündmisse perrast massap Peter Wiggel 3 rubl waeste ladikohe et ta omma lubbaga särast asja ette wõtnu kellest suur tulli om tulnu. -   Arra masnu.

                                     Kohtowannemb: J Pihho

                                      Kohtomees  Peep Tobre´e  XXX

                                      Kohtomees Thomas Hämmalan(n)e  XXX

                                          Kirjpt. tall.  P Blaik