Wanna Koiola koggukonna kohtun, Wissel, sel 17mal junil 1868.

Jürri Arras kaibap, et temma om talwe 1868 aastal, kui kaupmees Mihkel Kink linnadega Pihkwahe lats, temmale 148 1/2 leisikat linno tonu,

 mes 3 rbl leisikas massap, se teep wälja 445 1/2 rbl ja sest rahhast om kätte sanu eddimatse korra tomisse aiga om 150 r. kätte sanu.  Ent kui wimate perra linno ära om tonu, om Arrak omma rahha, mes weel linnade eest sada olli  nõudnu, ja om weel Mihkel Kink küssinu kenidest rahha 11 rbl tem(m)a käest rahwale anda, kumba Arras om ka andnu, et temma perrast selsam(m)al kõrral kige ärra massap; ent tukki aja perrast, J. Arras om nakkanu koddo min(n)ema, ja kaupmehhe käest omma rahha summa noudma, sis om kaupmees wastutanu, min(n)ol nüüd kostki anda ei olle, minne Errastweerde, sinna om mul 186 rubl . linno päle ka rahha antu, ent linno ei olle mitte todu, seperrast minna wõtta täämba Sikka Huusi Jürri käest, nink ni sam(m)a ka säält muijalt, et ni kawwa läbbi saat, kui min(n)a Pihkwast tulle, ja kiik ärra massa. -

Jurri Arras om lännu neide käest rahha nõudma, ne omma wasta pallenu - kin(n)itada, et se kõrd wõimalik ei olle anda.

Arras om tõistkõrd sedda rahha otsma lännu, om jobba rahha kohtu poolt Mihkel Kingo kungursi hääs kinni pantu. -

Arras nõwwap seperrast sedda rahha, kui omma, selle, et temmale, Mihkel Kingust olli kauba eest ärra lubbatu. -

Koggukonna kohhus, kui kungursi üllewallitseja nõwwap Arrase käest tunnistust seülle, et ka tõttest olles sell kõrral lubbatu. -

Arras pand tunnistajas, kes sel kõrral man olliwa olnu, nim(m)elt Gusta Taltsep, Errastwerest, (kohtomees) Jaan Karjus Polgastest, Hindrek Aju ka Polgastest. -

Gusta Tõltsep annap tunnistust, et Mihkel Kink om Arrasele sedda 100 r. Sikka Hunsi Jürri käest lubbanu ärra wõtta, sega nikawwa läbbi sada, kui Pihwast taggasi tulle ja kiik arra massa. -

Jaan Karjus annap tunnistust, et temma om kuulnu sedda 100 rbl Sikka Hunsi Jürri kaest - wõtta, ent neist tõisist käerahhast ei olle temma kuulnu.

Hindrek Ajo tunnistas, et Mihkel Kink om Jürri Arrasel üttelnu, minne wõtta Errastwerest käerahha Sikka Hausi Jürri käest 100 rbl, wast saat sega läbbi kui Pihkwast taggasi tulle ja ärra massa. -

Moistetu: Et ne kolm ausat tun(n)istajat, § 862 p., omma kiik ütte wisi tunnistust andnu et Mihkel Kink om Sikka Hausi Jürri käest 100 rbl nimmelt lubbanu, ja toisi ka rahha lubbamist ei olle kuulnu - perrip Arras ennegi se 100 rbl - kui omma rahha, mes Mihkel Kink temmale olli ärra lubbanu, ehk ni ha kui andnu. Ent ne toise ka rahha, mes weel Errastwerest sada om, jaawa Mihkel Kinke kungursi hääs. -

                                 Kohtowannemb: J Pihho

                                   Kohtomees Peep Tobree  XXX

                                    do      do    Thomas Häm(m)alän(n)e  XXX

                                         Kirjotaja P. Blaik.