Wanna Koiola koggokonna kohtun Wissel, sel 17mal junil 1868.

Koggokonna kohto maja hoitja and ülles wallawallitsussele, et olletsi pühhi ööse omma tulno, Mihkel Käis, Jaan Warres, Ado Sõrg, n. Johhan Kogger wotnuwa kohtomaja akna mahha ja omma sisse tüknuwa. Se häbbemada julgusse eest kaibap wallawannemb S. Härms neid trahwi, ke julgus koggokonna kohto maija ööse warga wisil läbbi akna sisse tükki, kon walla rahha ja kohto pabberi saiswa.

1. Jaan Warres wastutas, - minna lätsi kõrtsi mant koddo minnema, ja tõise tulliwa ütten, Mihkel Käis wõt kül akna mahha, kui maja hoitja nakkas wasta konnelema, sai taggasi pantus.

2. Wastutas Ado Sõrrason, minna saisi suretee pääl, kui Mihkel Kais akna mahha wõt.

3. Johhan Kogger, ke üttel et temma om ka sure tee pääl saisnu, kui Mihkel Käis om akna mahha wõtnu.

Mihkel Kais wastutas, et minna es wõtta aknat mahha enge saisi akna man ja kai läbbi akna sisse.

Maja hoitja ütlep, et se olli kel 11. ehk 12 ööse kui minna manno saije olli Mihkel Kaisul jalg läbbi akna sissen.

Mõistetu: Seperrast, et nore mehhe öö ajal hulganast ümbre kõndwa, kaklewa nink lärmitsesse, mes jo mitto kõrd ette tulnu, ja wiimsel kohto maija tükma nakkawa, massap Mihkel Käis, kui pämees, selle et temma ka maja perremees 6 rubl trahwi, ja tõise temmaga sure tee pääl olleja, ke ütten nõun olliwa sawa eggaüts 15 witsa lööki.

Mihkel Käis täämba 6 rubl ärra masnu. -

tõise omma pallelnuwa witsa löke eest rahha trahwi: Ado Sõrg 3 rbl ärra masnu

                           Kohtowannemb: J Pihho

                             Kohtomees Peep Tobree  XXX

                              do      do     Thomas Häm(m)alanne  XXX

                               Kirjotaja P Blaik