Pangodi kogokona kohus 10 Juni

Pääkohtomees P. Pastak 

dito, P. Asmus

dito, P Sonbe...

Ette tulli Johann Pastak nink andse kaibuses! Et Mihkel Karo om teda wäga rängaste pessno piiri õiendamise perast! Andse tunnistajas Tiina Noormõts!

Selle pääle sai Mihkel Karo ette kutsutus ning seletas: "Et tema üttelnu oma piirimehe Johan Pastakul, et see om minu maa mis sina praegu künnat! Selle ütlemise pääle wõtno Johann Pastak ütte sõrme jämeda kõiwo nink lööno teda! ja pääleki kiskno temal weel paljo juusid tükki wiisi tema pääst maha!

Tunnistaja Tiina Noormets tunnistas: "Et tema tullu külast nink nännu kui nema kattekeisi kakelnuwa ja et tema nägemise pääle Mihkel Karo, Johann Pastakol enne om lööno! ent neide kakeluse alustust ei ole tema mitte nännu!

Otsus

Kohus mõistis Et walla walitsus om seda krundi piiri üle kaeno nink Mihkel Karol õigus om, peap Johann Pastak 3 Rubl. waeste laadiko masma; ent Mihkel Karo peap 1 Rubl selle perast waeste laadiko ära masma, selleperast et tema esi om seda hakanu ka ütten Johann Pastakuga õiendama; nink temaga om kaklema lännu! - Ja ka weel peap Johann Pastak walla walitsuse hääs 1 Rubl, trahwi kattesa päiwa sehen ära massma! selleperast, et Johann Pastak om Wallawanembat kutsnu nink esi süüdi jänu ja ilm aigo Walla wanembat om waiwano! Otsus sai sääduse perra ette kuulutetus!  

Pääkohtomees:

dito.

dito.