Wanna Koiola koggokonna kohtun, Wissel, se 23mal julil 1868.

Jakob Härma nink Johhan Ostra kaibawa et Peter Kattai, neide ültine kopli om ärra söötnu, kumba wöörmonder Josep Kurwitz om üllekaenu, ke tunnistust and et se kopli om södetu. Nink et Jacob Härmassel ei olle waja selle kopli ette aida tetta, seperrast, et temma ellaminne sest koplist kaugen om: nink kopli ei la mitte ellajide, enge ellaja kopli pale; seperrast ke om(m)i ellajit ei tahha hoita, se tekku ka aid ette. -

Jakob Harms nõwwap Johhan Ostraga Peter Kattai käest omma haina kahjos mes na ärra kaotiwa, 6 rbl. Wöörmöndre Kurwitza ülle kaemisse perra, et säält kats koormat haino olles sanu. Nink Peter Kaddajal om igga poigega kiik suwwi koplin olnu, nink Johhan Ostral om ka weidikenne puttunu. -

Moistetu: Seperrast et se melega kurja teggeminne, massa Peter Kattai 4 rbl nink Johhan Ostra omma weiti söötmisse eest 1 rbl