WannaKoiola koggokonna kohtun, Wissel sel 23mal julil 1868.

Jakob Haidak kaibap Kriwa öutsiliste päle, et ne temmal ütte nurme sissen haina ma lombi omma ärra söötnu, ja nõwwap ommas kahjo tassomisses neide kaest 3 rbl hõbbet.

Kriwa perremehhe ke öutsiliste eest olliwa ommi hobbeste perrast kohtuhe tulnu nimmelt Jaan Härmits, Jaan Mäotz, Ando Hurt nink Johann Wanna wastutiwa selle kaibusse päle, et se om üts hainatetu karja maa lomp olnu, nink pälegi pool suwwe,, palegi pool suwwe ei olle neide outs kon ka Haidaku hobbese omma olnu Haidaku otsa ma päle sanu, seperrast om se sanu tettus ja ni kui õutsi plätsi päle mintus, ilma et sest keelmisest keaki middagi olles üttelnu, et se lombikene haina ma om. -

Öutsiwaht Mihkel Tolk annap sellepäle wastust, et kongi Jakob Haidaku plätsi pääl ei olle enne sedda pool suwwe Kriwa-Haidaku õuts olnu, kui ennegi kats ööd; ent Jakobi 2 hobbest omma egga öö, pool suwwe Kriwa ma päle öutsi käünuwa. -

Wöörmonder Peter Haidak sedda om ülle kaenu annap tunnistust - et se om katte södu wahhel üts waikesse lombi plats olnu, mes jo enne karjaga ärra södetu, kost marastki haina es olle lota.

Mõistetu: Seperrast, et Jakob Haidak, om ommil hobbesel lasknu muide platsi päle käwwa, omma lombi ja soweere kiik hainas taht niita, kumba waht Mihkel Tolk nink wöörmonder Peter Haidak tunnistiwa. Nink ilma asjanda hulga rahwast kohtuhe weap ja neide aigo witap, kon kige wahhemb kurri töö ei olle tettu, mes ka Peep Tobree om kaenu ülle: massap Jakob Haidak, se ilma asjanda kiusamisse eest 1 rbl trahwi walla ladikohe (katte näddali sissen ärra massa, ja hobbese jäwa seni errale, kui Kriwa perremehhe lubbi andwa om(m)a hobbestega ütte käwwa. -

                                 Kohtowannemb: J Pihho

                                 Kohtomees Peep Tobree  XXX

                                 Kohtomees Thom. Häm(m)älan(n)e  XXX

                                      Kirjotaja P Blaik