Wanna Koiola koggokonna kohtun Wissel sel 13mal aug. 1868.

Johan Waglakesse kaibap omma perremehhe Jaan Käiso päle, et ta om tedda enne aiga ärra ajanu, ilma et temmale olles leppitu palk masnu. 

Johan Waglaken and ka essi tunnistust, et neil sögi ildas jämisse perrast om tülli tulnu.

Jaan Käis and wastust, et tem(m)al söök mitte ei olle ildas jänu, ent siski selkõrral ja ennesedda om Johan Waglaken tem(m)ale kigesuggutsit trotzlikke sõnno andnu, ni kui "hora palik, warras, kurrat sin(n)o henge sisse, kas sinnol ka mõnni leib, se kui kahru sit, roog kui põrsa pask, nink weel muul paljol habbemata kombel.

Johhan Waglaken ei ütle sedda õige ollewat.

Jaan Käis pand tunnistajas se päle Mai Lüüs, ke temma man, kui wõras teendre olli. 

Nimmetedu tunnistaja and ülles, et söök kül wõise ildamb kui kel 8 olla, ent kui södus saije ol ka muil rahwal küllan sel sam(m)al ajal sömisse aig.

Ent et Johhan Waglaken, enne sedda jo mitto kõrd ommale perremehhele, neid krope sõnno om andnu, kumbe Kais kaibussen ülles and, üttel Mai Lüüs ka tõtte ollew; ja sõnna kuulmata mitto kõrd wasta pandnu.

Mõistetu: Johhan Waglaken omma tunnistusse perra, et neil sögi pääl tülli tulli, tõiselt Mai Lüsi tun(n)istusse päle, et ta sõnna kuulmate ja krope sonno perremehhele andnu, § 386 p. jääp Johan Waglaken Jaan Käiso tun(n)istusest pri, se tenitu aja eest massap Jaan Käis tem(m)ale 8 rbl, kumba 15mal octobril ärra masma peap. -

                                Kohtowannemb: J Pihho

                                    Kohtomees Peep Tobree  XXX

                                     do      do     Thomas Häm(m)elänne  XXX

                                   Kirjotaja P Blaik.