II. 

Ette tulli Carl Domberg nink kaibas; et temal ollew ... üks wak rüki kottiga omast rehe alt ära kadonu; nink ollew teda nüüd Mihkel Steinbach käest kätte saano. nõudis selle warguse est 25 Rubl.

Selle pääle sai Mihkel Steinbach ette kutsutus nink ütles! Et tema mitte röa kotti ei ollew toono; enge et Carl Domber nende poig Johann Domberg ollew temale selle röa koti toono; kelle eest tema Mihkel Steinbach esi Johann Dombergil 5 Rub. massno ollew!

Johann Domberg wastutas küssimise pääle; et Mihkel Steinbach isi om selle röa kotti warastano, andse tunnistajas: "Jacob Domberg!

Jacob Domber tunnist; et tema nännu kül ööse hoonete lähikesen ütte inimist kõndwat sel ööl kui röat kottin ollo ..., ent tema mitte ei ... märku kes tema ollo! Pääle selle homoko üttelno Johann Domberg henda selle sääl olewat:

Otsus!

Et üttiki õiget tunnistust ei ole kes selle man süüdi om! mõistap kohus kumbagile Johan Dombergil Mihkel Steinbachil 5 witsa lööki; ehk massawa kumbgi 3 Rubl. waeste Laadiko! otsus sai mõlembile kuulutetus!

Kohtomees: "

dito.: "

dito.: "