Wannakoiola koggokonna kohtun, Wissel, sel 13mal aug. 1868.

Tijo Kärik ja temma wöörmöndre kaibawa, et Peter Karik ei olle mitte omma leppingut piddanu n. 25 julil s.a. wallawannemba een teiwa, mes se neil om olnu, ent seni ajani rahhu sanuwa, ja nüüd Peter ei anna.

Wallawannemba tunnistusse perra, et Peter om lubbanu maad ja 1 wakka ma rükka, ja tõise sitta ma röas üttes ajastas, ent eddespidi wõip wõtta wai jätta, ni kui na essi leppiwa.

Mõistetu: Et na se kõrral kige jaoga omma rahhu jänuwa mõllemba, Peter kui maja perremees, kes jo sis maja piddaja olli kui temma essa elli, wõip omma maad wõtta ehk jätta, ja ei putto temma emmagu eddespädine üllespiddaminne, nisamma ka temma pojal middagi, kui na om(m)a jao omma sanuwa. 

Kui weel Tijo Kärik eddespidi majan kurja ehk lärmi tegge wõip Peter tedda kewwaja ärra ajada.

                               Kohtowannemb: J Pihho

                                  Kohtomees Peep Tobree  XXX

                                 Kohtomees Thom. Häm(m)alänne  XXX

                                   Kirjotaja: P. Blaik