Mai Meusesse Ropkast tulli omma wenna Jaan Mosesse abbin ette nink kaibas et selle walla mees Johann Poksi kel näutsik ta olli, Januari ku 1868 allustussen tedda ärrä eksitanud, selle päle sündinu temmale enne Jõulo 2 näddalit 1868 lats. Ta nõuab selle latse kaswatamissest 100 rubla ehk last ärrä wõtta.

Kaewataw Johan Poksi salgab et ta ei teda temmast middagi nink ei olle sukkugi süidlanne, Walla wannemb Mihkel Tiro ütles et ta olla omma emma käest 1 sõlg minnewa aasta, suwwel ärrä wõtnu nink andnu selle tüdrukule mis praegu selle tüdruku käen olla, mis sõbrussest selge tunnistus on, ka temma essak Michel Kommusar kaebanu minnewa suwwel tihte, et temma poeg selle tüdrukuga hukka minna.

Johan Poksi ütleb kül õige olla se sõlle assi, ta andnu ennege temma kätte hoita, nüüd winu ta ärrä.

Kaebaja ütleb praegu weel se sõlg hennese käen olla, selle et ta lubbanu tedda ärrä wõtta.

Moisteti: Et se tunnistusse järrele Johan Poksi süidlanne, nink on temmal Mai Mosessele latse kaswatamisse tarbis 50 rubla massa, 1metse 3 aastat a' 10 rubl. wimatse 4 aastat a' 5 rubla

Se otsus sai neile kulutud sädust möda, nink mõllembile õppusse kirri surembahe kohtohe minna wälja antud.

/:7. März 1869 prot. antud:/