Wanna Koiola koggokonna kohtun Wissel, sel 2 septembril 1868.

Peter Tobre kaibap Ado Rautsep ja tem(m)a naise Marri Rautseppa päle, et ne tem(m)a nido päält addalit omma poimnu ja weel niitno, mes kohtomees Peep Tobree ulle kaenu, ja neide pool kotton löudnu, et 1 punna ossa neide pool neid haino löudnu.

Marri Rautsep wastutas et minna ei olle mitte Peep Tobre nidust tonu, enge Otto Kopli nink Mihkli Tobrelutz nidust. -

Perrast sedda ütles Marri Rautsep et ne ka kül temmale ei olle nim(m)elt om(m)ast nidust põima lubbanu.

Mõistetu: Et Ado Rautseppal kongi haina maad nimmelt ei olle, ja haina ma päält mes temma wõimusse al ei olle hainu põimap, ilma et tunnistust olles andnu, kost, ja Petre Tobre ättal olli kohtomehhe läbbi lout et ärra põimet olli. Ado Rautsep es olle essi kohto ette tulno

 enge temma naine Marri tulno, ke kohto een mitte kord, walla wallitsusse kuulden kohtomehhe Peep Tobrele wastutas "sinna wõlsja, ja essi ei anna ka tun(nistust kost haina todu omma, - massap neide haino eest 50 kop. trahwi Peep Tobrele, ja 50 kop walla ladikahhe temma mehhe krop ollemisse eest, ehk peap kats ööd päiwa kinni istma

                                Kohtowannemb: J Pihho

                                         Kohtomees Peep Tobree  XXX

                                           do     do    Thomas Häm(m)alanne  XXX

                                       Kirjotaja P Blaik