Wanna Koiola koggokonna kohtun Wissel, sel 21. octobril 1868.

Paap Werrwson kaibap Wisse seppa Jaan Pikka päle, et kui ta 21. julil s.a. hobbest om rawutanu om hobbene hobbena raudu manu sanu ent perramatse nedi lömisse aiga om sepp hobbesele wassaraga lönu. Paap Werrewson om üttelnu. mes lööt wassaraga, ja sedda samma om ka Fritz Wijand üttelnu: wõtta malk ja lö temmale malgaga, sis om sepp malga wõtnu ja sega hobbesele lönu, sepäle om Paap hobbese julla wallale lasknu, sis om hobbene tagganu nagla kasti päle, kon wärk raud pistu olnu, ja sääl taggomisse jalla sone katski raggonu ja om seni ajani põddenu.

Jaan Pikk wastutap, et hobbene es püssi suggugi paigan kuma ilma nink kärbside sömisse perrast ja tahtse hendale jallaga lüwwa, sepäle napsi minna kats kõrd seppa wassaraga hobbese pusa päle. Sis üttel Paap Werrewson mes sinna lööt se wassara kessega mes sest saap, - wõtta mast malk ja anna sellega, seddasamma om ka Fritz Wijand üttelnu sepäle om Jaan Pikk mast malga wõtnu, sega hobbesele neide käskmisse perra lönu, sis om hobbene ilma kawwetehe tade jallaga selmanu ja wärk rauda wasta lönu ja jalla sone katski lönu.

Se asja päle pand Werrewson tunnistajas omma ommatse Fritz Wijandi, ke sääl sel kõrral man om olnu, et kui hobbene paigan ei olle püssinu, sis om sep Jaan Pikk waiko wassarakessega kolm kõrd hobbesele pusa päle kaplanu. Pale se om Fritz Wijand üttelnu - wõtta säält se tokkikenne ja anna sellega. Jaan Pikk om tokki wõtnu ja sega kolmkõrd hobbesele lönu, sis om hobbene jallaga tade wärkrawwa kasti pole lönu, nink sellest lögist taggomatse jalla sone katski raggonu.

Moistetu: Seperrast et Fritz Wijand ke Paap Werrewsoni suggulanne om ja siski tunnistust and: et temma ja hobbese perremees Paap Werrewson omma käsknu seppal tokkika lüwwa ja seperrast om sep lonu sega kon õnnetus man johtu, ja mitte seppal töö teggemisse man wärkrawwaga wigga es saa, enge hobbese oma jallaga tade lömisse perrast, ja seppal Jaan Pokkal, kes herrade hobbesit om rawwotanu ei olle kunnagi kuulmisse perra temmal märastki onnetust töö man sündinu - saap Jaan Pikk sest kahjost pri. -

                                       Kohtowannemb: J Pihho

                                         Kohtomees Peep Tobreé  XXX

                                Abbi kohtomees Mihkel Kurwitz  XXX

                                        Kirjotaja P Blaik