Mihkel Koiweer kaibap Fritz Wijand päle tem(m)a om kawwas wõtnu tedda henda man(n)o aastas tenistuste lubbanu 20 rubl. palka, ent enne Mihkli päiwa om Mihkel Kõiw haiges jänu ja Wõrrole latsaretti wedu, ja 8 rbl palka kätte sanu. Kui kolme näddali perrast taggasi tulno ei olle Fritz Wijand tedda tenistuste ennamb wõtnu, ja soldat Mihkel Kõiw nõwwap 20 rbl palka perra, ehk tenistuste taggasi.

Fritz Wijand wastutas, kui temma Wõrrole latsaretti läts wõt temma minnost henda koggoni wallale ja ka 8 rbl palka wasta, ent sepäle ma tedda ennamb taggasi eo wõtta.

Soldat Mihkel Kõiw pand tunistajas Põlwast Ado Rammo ja Jaan Kooskore, ne anniwa tunnistust, et nem(m)a omma kül man olnu, kui sedda 8.rbl rahha om Wijand andnu, ent sedda ei olle nemm kuulnu, kas Mihkel Kõiw om henda wallale küssinu wai mitte.

Mõistetu: Et 5 kuud kallist töö aigo om Mihkel Kõiw Fritz Wijandit teninu ja haigusse läbbi tenistussest ärra lännu, ei olle ka selge assi, kas soldat henda walla küsse ja lepse 8 rbl - massap Fritz Wijand 4 rbl weel perra, sis tulle suwwe eest, kumb tenist 12 rbl ja talwe päle, mes tenimata jääp 8 rbl aasta leppitust palgast mahha. Se 4 rbl olgu täämba ärra mastu.

                             Kohtowannemb: J Pihho

                             Kohtomees Peep Tobree  XXX

                         abbi kohtomees Mihkel Kurwitz  XXX

                             Kirjotaja P Blaik