Wanna Koiola koggokonna kohtun, sel 28mal octobril 1868.

Mihkel Tolk kaibap, et temma Wisse kõrtsi wörussest om wälja astnu, kolm meest tedda mahha lönu ja ilma armuta pesnuwa ja arwap et neist kolmest uts, Mihkel Warres olli.

Mihkel Warres and wastust, et min(n)a es olle, es puttu tedda, se olli Iwwan Põlwast ja Wahtse Koiola wallast Johhan Kranzmann selkõrral kõrtsin

Johhan Kranzmann and wastust, et minna es näe es kule kakkelust selkõrral kui minna sääl olli.

Iwwan Naprus wastutas ka et Mihkel Warres nink Mihkel Tolk om(m)a kõrtsi jänu, kui temma ärra lännu - ei tijä ka kakkelussest middagi.

Mihkel Tolk pand tunnistajas Märt Karrolaas. Se and tunnistust: Kui Mihkel Tolk tännit - Märt olle ni hä, tulle appi ärra tapwa;

Kui nimmitu Mart Karrolas, Mihkel Tolk´ mano sanu, om(m)a kolm meest man olnu. -Kats neist sammost omma mäe pole paenu ja üts kõrtsi pole, sis om Märt Kõrtsi lännu ja Mihkel Warrese kinni wõtnu, selle ütlemissega, et sinna ollet üts. - Mihkel Warres om wastutanu, min(n)a olli jobba kõrtsin.

Mõistetu: Seperrast, et üttegi selget tunnistust ei olle, kes neist jodikist üts tõist olles pesnu, ke ööajal joma pääl olli, mitte üttegi asja perrast tee käuja, ei sa Mihkel Tolk minkisuggust massu. Ent Mihkel Warres, ke ööse kõrtsin joma pääl ja jomisse perrast kaibussi mitto kõrd koggokonna kohto ette todu massap 3 rbl trahwi  - katte näddali sissen ärra massu. Mihkel Tolk surembahe kohtuhe kaibanu.

                          Kog. kohtowannemb: J Pihho

                                  Kohtomees: Tomas Hämmalänne XXX

                     abbi kohtomees: Johan Härms  XXX

                                 Kirjotaja P Blaik.