Jaan Olo, Kawastust, kaibas, et temma suggulanne Karl Lõhmus Mäksalt olla temmal enne pühhi 2 koormat heino heina ma päält ärrä warrastanu. Ta, kaebaja, tulnu süidlasse jälge möda, kedda temma tuhhande seast ärrä tunda, et nemma kõwwera olla, järrele ni kaua kui süidlasse Karl Lõhmusse koddo, ja leidnu sääl Mäksa kohtomehhe Jürri Konnimusse man ollemissen omma heina sääl töiste heinoga ärrä seggatu. Ta palluda süidlasse käest omme heino kätte anda, ja süidlast selle eest trahwida.

Kaewataw Karl Lõhmus wabbandas küssimisse päle, et ta ne heina mis temmal kottun leitu, säält heina ma päält kolme kuhja assemelt korjanu, ent kaebaja heino ei olla ta mitte warrastanu. Ta lubbas selle ülle tunnistust tuwwa, et ta ne heina säält sanu.

Moisteti: Et kaewataw Karl Lõhmussel töisest kohtopäewast tunnistust tuwwa, et temma ne heina kuhja pessa assmelt korjanu, ja ei tohhi ta neid heino mis temmal leitu, mitte seni kui se assi selletud puttu.

Se otsus sai kohto käujile kulutud.

Pä kohtomees Johan Werrew XXX

Kohtomees Jürri Konnimus XXX

Kohtomees Jaan Reinold XXX 

F. Thal <allkiri>, kirjotaja.