Wanna Koiola koggokonna kohtun, Wissel, sel 4mal nowembril 1868.

Woormönder Peep Tobrelutz kaibas Jakob Lutzari nink Peter Lutzari päle, et nemma Lutzu kõrtsi man tedda habbemata wisil sõimanu ja pessa lubbanuwa russikuga nonna al ahwarteden ja tirkudeten Peep Tobre om seperrast kõrtsi manno lännu, kui kerrikolisse tullewa ja neile teda annas, et na säält möda läwa, kunnas Maggasi päiw om.

Ja nõwwap et nemma trahwitus saas üllemeliko trotsmisse ja sõimamamisse eest.

Jakob Lutzar wastutas: Seperrast et temma hobbese minno röa pääl olliwa sõimassi ma tedda.

Mihkel Lutzar wastutas, et temma hobbese röa pääl olliwa naksi ma tedda sõimama.

Tunnistaja se tülli man olliwa Mihkel Lutzar, Mihkel Pedzo, Jaan Peterson.

1. Jaan Peterson and tunnistust - Jacob Lutzar surme Pebu Tobrelutzu rindo ja sõimas, seddasammawisi teggi ka Peter Lutzar, temma welli, ja üttelnuwa, olles Peep ülles tulle same tedda oppasi. -

Sepäle ei olle Peep Tobrelutz tohnu henda ligutadagi, et ne kats meest tedda ni ähwardiwa.

Mihkel Lutsar and tunnistust, et Jaan Lutzar ja Peter Lutzar om Peep Tobrelutzule rindo kopputanu ja sõimanuwa ja tõisel paiwal weel perra üttelnuwa - olles me tem(m)a iks kinni wõtnu ja oppanu.

Mihkel Pedzo and tunnistust, nisam(m)at ni kui ne toise tunnistaja, et se tülli om enne ähwärtamissen olnu - ma panne sulle õnne rindo.

Wallawannemb S. Härms om röa ülle kaenu kost tulli om tulno, ja ei ütle sääl suurt süda neide röa man ollew, enge Peep Tobrelutz rügga olnu ennamb neide ellajist ärra södu, mes sääl jobba sanu ärraselletedus, kes ennamb kõwwer olli. -

Mõistetu: Jakob Lutzar kes õkwa sõimama ja ähwartama, ja russikuga tirkutama nakkas omma röa perrast, ilma, et Peeb Tobrelutz sest teedse kas temma hobbese olliwa. Jakob Lutzar piddi kaibama, se kurja töö ülle, mitte essi sõimama ja häbbemata kombel trotzma - massap temma § 1097 p. 3 rbl rahha trahwi et tem(m)a perremees om, ja ihho nuhklussega ei wõi trahwitus sada. -

Peter Lutzar, kes mitte perremees ei olle, kelle assi se röa perrast mitte middagi ei putto, ja wöörmöndret, kes 8 aastat Wanna Koiola wallan ausast kige rahwa teda omma ammetid pidanu, ähwartanu sõimanu, ja weel perrast lubbanu oppata, saap § 1097 p. 20 witsa lööki. -

                            Kohtowannemb: J Pihho

                            Kohtomees :  Tomas Hämmalanne  XXX

                 abbikohtomees: Johan Härms  XXX

                              Kirjotaja P Blaik