Peter Warres and  ülles et ne allnimmetetu poisi omma küllan hulkmisse pääl olnu, Peter Johan S. Kurwitz, Johan Kurwitz, Him(m)astest Jaan Hindrekson nink Peter S. Jaan Hindrekson nink Jaan Juks.

Jaan Hindrekson and wastust, et meije ei olle jalg küllan käunu, meije käwweme Tännasilman omma inimest Jaan Wainut kaeman, ke haige olli, nisamma olli ka minno lellapoig Jaan Hindrekson nisamma ütten. Ja Jaan Juks kes Põlwa känkseppa poolt tulli, ja kiik aiksaste kolme keste Wisse kõrtsi man sissen oddangu käwweme, ja säält wälja kige om(m)a koddo tullime.

Peter Kurwitz ja Johan Kurwitz wastutiwa, meije ei olle jalg kohhongi käunu, et Warres kaibap kiusto perrast, seperrast, et temma essi ööjooskmisse perrast häddan trahwi masse, tahhap muid õigit ka henda hulka weddada. 

Moistetu: Et üttegi õiget tunnistust ei olle, kas ne poisi omma küllan käünuwa mitte, sest Warrese üllesandmist ei woi usko, seperrast et ta essi ka sellen samman kiusatussen muidega olli, ja öö ümbrejooskmisse perrast trahwi masse, jäwa kiik ne nimmitetu, kelle päle kaiwatu sekõrd trahwist pri. -

                        Kog. kohtowannemb: J Pihho

                                    Kohtomees Peep Tobree   XXX

                                           do         Thomas Häm(m)alan(n)e  XXX

                                      Kirjotaja P Blaik