Johan Reis tulli ette nink pallub temma poja Petre käest sedda wälja nõuda, mis ta temmale selle tallo piddamissest andnu:

1) puhhast rahha, mis kewwade aasta eest antu 15 rubla

2) 3 wakka keswi

3) 3 wakka kaero

4) 2/3 wakka suurmit

5) 1/3 wakka ernit

6) 1 wak linnaseemnit

7) 10 wakka kartohwlit

8) 1 3 aastane zigga

Kaewataw Peter Reis wastutas

1 punkti päle, et tal sedda 15 rubl. ei olla tarwis massa sest et ta sedda essi moisa käest pu weddamissega teninu.

2 ja 3 punkti päle, et ta kül kinkinu, siski kui ta ei jätta tahta ta temmale ka sedda kunni No 8 taggasi massa, kui ta temmaga tullewa süggiseni kannatas, sest et ta nüüd ei jõuda.

Päle se arwab ta, et ta õigusse perrast ei piddada ni paljo ennam masma, sest et temma essa Johan Reisil olnu temma ma päle külwatu 1869

1 1/2 wakka rukki

1 wak linnaseemnit

2/3 wakka keswi

14 wakka kartohwlit ka tinnawo olnu 1/2 wakka ma.

Sedda ei woinud ka Johan Reis salgata, enge ütles et temmal 2/3 linnaseemnit ja 1/2 wakka keswi maan olnu ja kartohwlit ei olnu mõdetud.

Moisteti: 1) Et kaebajal Johan Reisil selle 15 rubla rahhaga rahhule jäda, sest et se Peter Reisi läbbi töga tenitu, kül sis, kui weel Johan Reis perremees olli ja et temmal päle se, Peter Reisi ma pääl külwi olnu.

2) Et Peter Reisil, nõudja Johan Reisile ennege tinnawo 1/2 ossa sest muust nõudmissest 2 kunni 7 punktini, ja 8 punkt, 1 zigga 1 aastane massa on, töine pool tullewa süggisel, mis seni Peter Reisi käen ni kui hoita seisab Johan Reisile hädda tarwitada, kui ta ehk seni sandist jääb.

Se otsus sai kohto käujile kulutud, ja Johan Reisile suremba kohto käumisse tarbis õppusse kirri antud, et ta ei olle rahhule.

(: 30. Dec. 1870:)

Pä kohtomees Johan Werrew XXX

Kohtomees Jaan Reinold XXX

Kohtomees Jaan Libbesi XXX

F. Thal <allkiri>, kirjotaja.