Gusta Mahlstein Luniast kaibas et selle walla perremees Zobbi Jaan Unt kaubelnu minnewa suwwe temma poja hendale karja terwe aasta päle, se om: kunni selle Jürripäiwan masnu ennege 1 w. rukki, 1 w. keswi ja 2 w. kartohwlit palka wälja, ja lasknu jo enne Jõulo lahti, ent jätnu 1 paar sapit mis ta päle lubbanu ja pä rahha maksmada. Tunnistaja olla selle man Johan Noppi Mäksalt. Ta nõuda Jaan Unti käest kige wähhamb se lubbatu pä rahha 6 R. 43 Kop., selleperrast et temma poig 18. aastane ja Jaan Unt tedda mitte karja enge sullase ammeti päle pruuknu.

Jaan Unt wastutas selle päle, kaebaja nõudnu essi omma poig päkoli selleperrast ta tedda lahti lasknu ja temmale kaubeldu palk wälja masnu, pä rahha ei ta maksnu, et sedda kaubeldu ei olnu. Päle se winu se pois ärrä, 1 hamme, 1 kassuk, 1 püksit, pä rahha ei olnu kaubeldu.

Tunnistaja Johan Noppi tunnistanu pä kohtomehhele, et Jaan Unt sedda poisi hendale karjusest kaubelnu, muust ta ei teda.

Moisteti: Et kaebaja Gustaw Mahlsteinil rahhule jäda, et temmal tunnistust selle pä rahha ülle ei olle ja pälegi et temma poig perremehhe ride perrinu.

Se otsus sai kohto käujile kulutud ja kaebajale suremba kohto käumisse tarbis õppusse kirri antud.