No 21 jure

1. Dawid Peterson, kes tunnistas küssimisse päle, et Johan Hango kül to körd 5. aasta eest Kulbi tallo kätte andmisse man 18 körralist uibot ja 2 kuijonut sanu, plomi ehk kirsi puid sääl kül ehk ni paljo olnu kui kaebaja arwab, ennege neid ei loetu.

2) Johan Mähkalla ei ütle sest middagi mälletada.

3) Johan Must ütles wälja, et sääl kül 2 õuna aida olnu, ta ennege ei luggenu, kui paljo olnu.

Moisteti: 1. päle, et Kaebaja Jaan Kulbil neide 18 õuna pu eest Johan Hango käest 10 rubla ehk jälle ne õuna pu wõtta on

2. n. 3. päle et plomi nink kirsi puid ei woi arwata et nemma to körd ei olle wasta woetu ja nemma wastse perremehhe Johan Hangole ette puttunu nink ta neid selleperrast ärrä häetanu.

4. päle, et protokolli järrele moisa neide 8 pari ukse hengi eest 8. Aprilil 1866 jo 2 rubla Jaan Kulbi rehnungi wälja masnu, ja neide 2 pari eest mis wäega sandi, Johan Hango Jaan Kulbile masma, ni kui nemma siin leppisiwa.

5. ja 6. päle ei woi siin ennamb middagi moistetud sadu et se assi jo wanna 1866 aastal sündis, ja kigist suurdest kohtist läbbi käunu, ja on nüüd ka neide kohtude otsus se alla jätta.

Se otsus sai neile kulutud Jaan Kulbile suremba kohto käumisse õppusse kirri antud, et ta ei olle rahhule.

(Mäksal, 20. märz 1871. protok. antu) /:Nimmed:/

Pä kohtomees Johan Werrew XXX

Kohtomees Jaan Mollok XXX

Kohtomees Jaan Libbesi XXX

Kohtomees Karl Tattrik XXX

F. Thal <allkiri>, kirjotaja.