Wanna Koiola koggokonna kohtun, sel 2 dezembril 1868.

Wõrro Krono mõtsa herra kaibus kirjä Nr 159 mes 35 julil Wanna Koiola mõtsa waht Peter Jaanson päle, et Jaanson nurme kiik linnas tennu, ja sitta Josu walda omma perresplatsi päle weddanu. -

Peter Jaanson wastutas, minnol ei olle mitte ülle lija linno tettu ja sitta ei olle ma mõtsawahhi ma jaost mitte Josu walda wenu, enge katte koddapoliko käest sitta. Wallawannemb and tunnistust, et 8 wakka ma om linna olnu ja röa nurmele ei olle sitta pantu.

Sepäle pallep Peter Jaanson koggokonna kohut sedda platsi ülle kaeda, mes päle sesamma löudse, et röa male sitta ei olle pantu, enge tõwwule, 6 wakka maad arwata. Linna mes külwetu, södu ja röa kõrrega kokko olli 9 wakka maa.

Peter Jaanson and ne koddapoliko ülles ke sitta münu, nimmelt, Mihkel Lisberg nink Ado Juggo, se wimane and tunnistust et ta ei olle münu, enge temma lehm om en(n)e Peter laudan olnu, kumba ta omma hainaga söötnu ja se sitt om hone eest tälle jänu.

Ado Juggo and seperrast nisamma tunnistust et temma lehm om Peter Jaansoni honen korterin olnu, mes perrast sitta tälle ärra winu, ja sanu 2 aasta jaggo 30 rbl koormat.

Peter Jaanson and wastust et ma ei olle linna külwnu - ei sitta pandmisse perrast sedda kottust mitte nurme, kunna se plats minno kätte saijen ütten raisku lastu korran olli, nink minna selle aja seen ne nurme surres tennu nink ülle aigo sitta pandnu, kiwwest puhhastanu, kiik lombi põllus tennu, ja ei olle ka minno kätte saijen üts terra rukki mahha külwetu, kui ennegi kiik ilma arrimata ma. - Ja es olle ka kostki nöri ette antu kuis ma sedda pruukma piddi. -

Se assotämisse eest nõwwa minna, kui minno käest se kottus ärra lät, tasomist.

Mõistetu: Peter Jaansonil ei olle kostki, ette antu, kui ta omma platsi piddi pruukma, seperrast ei wõi ka temma süüs panda et ta tõwwo male sitta pand, sest et tem(m)a röa külw ka weel wahtse mõtsma päle trehwas.

Nisamma jääp Jaanson ka linna külwmisse perrast pri, selle et Wanna Koiola Krono wallan egga üts linna külwap omma tahtmisse perra, se tullep ennambist seperrast et haino peap ostma kost pollule wägi taggasi tullep.

Ent seperrast  et ta ilma walla - ehk mõisa wallitsusse lubbata, sedda ostetud sitta Wan(n)a Koiola pirist, wälja widdi, massap Jaansoon 2 rbl selle walla ladikohe trahwi. - 2te näddali sissen ärra massa. -

                                                  Kohtowannemb: J Pihho

                                                     Kohtomees Tomas Häm(m)alanne  XXX

                                                           do    do  Peep Tobree  XXX