Wanna Koiola koggokonna kohtun, Wissel, sel 5mal dezembril 1868.

Wõrro Makohto kässu päle, mes 3 dezemb. s.a. nimmetetu kohto man selle kottusse wallawannembale S. Harrisele n. kog. kohtowannembale J. Pihhole anti - et peat Wanna Koiola koddapolikide käestnõudmist ette wõtta koggokonna kohto man, kes neist om(m)a rahha korjanu ja Orrawa koolmeistre Fritz Kirrutari kätte wenu. -

1. Saije ette kutsutus, Mammaste küllast Mihkel Kattai, Karel Lok, Johan Hüt ja Jaan Lutz, ne anniwa keik üttewisi wastust, et minnewa süg-

gise tulno Jacob Auma(n)n öö aiga kässuga rutto selsammal kõrral Himmasten Mihkel Ostra pool olla, mes päle meije ka lätsime, sääl olliwa een tõise Himmaste koddapoliket ja Orrawa koolmeistre Fritz Kirrutar, ke meile kigile käsku and, rahha korjata 25 kopk hengelt, et temma Peterburgi lääp. -

2. Jakob Aumanni käest saije küssitus, kelle kässu päle, temma sedda käsku and, öö ajal hulgana tõiste külla minna. Se päle wastut - Mihkel Ostra tulli, minno pole ööse, ja and minnole kässu, aja õige rutto nipaljo koddapolikit, kui sinna jõwwat, minno pole. Sepäle lätsi minna, nink ka ne tõise kedda minna katte saije; nink massi Mihkel Ostra kätte 25 kop. rahha, mes weel parhilla sääl om.

3. Mihkel Ostra käest saije küssitus, mis julgusse - ehk kässu labbi - aijet sina omma maija ööajal neid tõisi kokko; mispale Mihkel Ostra wastut, et Orrawa koolmeistre Fritz Kirrutar tulli minno pole, minnewa süggise ja and sedda käsku, kokko kutsu ja rahha korjata, mispäle ka minna 1 rbl korjasi ja perrast taggasi anni.

4. PeterMoisto, ke rahha ja munne om korjanu, nim(m)elt Peter Kahha käest 1 rbl, Johhan Huttü käest 75 kop, Hans Püttu käest 25 kopk, mes awwalikkus om sanu. Saije weel nimmetetu munna n. rahha korjaja käest küssitus, kos sinna se kraam pannit, mispäle temma wastut, et menna lätsi tõiste kässu päle, Orrawa koolmeistrele wima, saije Kausja kortsi manno, sääl naksi minna purjotama, ja purjo paga tulli taggasi, koddo tullen lätsi mun(n)a korwin katski, nink perra, mes terwe olli, möi Wisse kõrtsi wina eest ärra. Nink rahha mes ülle jäije anni minna Mihkel Märk käte.

5. Mihkel Märk saije küssitus, kos se rahha pand, mispäle - wastut "minna anni Hindrek Moisto käte, kes tedda Jaan Järweotsa kätte piddi wima. Jaan Järweots katte om ka andnu - Jaan Rammu 10 kopk, Peter Lõiwokenne 10 kop ni paljo om awwalikkus sanu.

6. Jaan Järweots saije küssitus, kos se rahha pand, se and wastust, meije lätsime Jaan Sõrgk, Jaan Prillesthal, Jaan Parksep, ütten Orrawa koolmeistre pole, sääl anni minna 60 kopk. temma kätte.

Jaan Sõrk ja Jaan Prillesthal, ke ka essi kohto een olliwa, es ütle rahha andwat. 

Jaan Parksep, ke ka üts, missusten käujist olli, es olle kohto een, om teedmata, kas ta and rahha, wai mitte.

7. Essierralda Wannakülla jaost Semen Sabre and tunnistust, et temma om 5 rbl wenu, Fritz Kirrutari kätte, mes tõise, nimmelt Peter Lutzar   Andres Säinas, Jaan Naggel, Paap Kiisk omma kokko pandnu ja korjanu.

                                    Kohtowannemb: J Pihho  XXX

                                       Kohtomees Peep Tobree  XXX

                                                do       Thomas Häm(m)alän(n)e  XXX

                                          Kirjotaja P Blaik.