Wanna Koiola kogokonna kohtun, Wissel, sel 13mal januaril 1869.

Warbus wallast Hindrek Kuhhi kaibap rätsep meistre Peter Sing päle, et temma om wõtnu Kusta Kuhhi, Hindrek Kuhhi weljo henda manno opma katte aasta päle ja 5 rbl rahha opamisse eest, ent Peter Sing om se poisi ku aja perrast ärra ajanu. Päle se om pois taggas widus sanu, ke jälle meistrega pesma nakkanu, suust ja nõnnast werre wälja lönü, ja ülle kige se tenuski aig om kümme näddalit olnu.

Gusta Kuhhi nõwwap omma 5 rbl taggasi. Peter Sing wastutas, minna ei an(n)a seperrast temma rahha taggasi, et ta seije minno käest kümme näddalit, ja min(n)a es aja ka tedda mitte henda mant ni kui ta kaibap; sest temma essi läts. -

Mõistetu: Selge om, et Peter Sing Gusta Kuhhi om henda manno opma wõtnu, ja 5 rbl rahha ütten, ei olle tedda piddanu, enge ärra ajanu. Kui pois essi olles ärra lännu, sis olles Peter Sing tedda takkan otsnu.

Se 10ne naddali tenuski eest suwwe ajal kunna pois ka põllu tööd olles tennu, ei sa tassomist. Ent se Kusta Kuhhi omma ant rahha 5 rbl, peap Peter Sing täämba temmale, kui tõise omma taggasi masma. -

                                           Kohtowannemb:

                                           Kohtomees Peep Tobree

                                            do     do     Tomas Häm(m)alänne

                                            Kirjotaja P Blaik