Moisawallitsus kaibas omma kubja Jürri Kask läbbi, et moisal 2 saksa ma atra ärrä warrastud, nüüd nõuda moisa sedda kubja käest, sest et kontrakti järrele kiik moisa riista temma wallitsusse alla antu, kes neid nüüd jälle mona mehhe Karl Sarrapu käest nõuab, kelle kätte hommungo temma 1 adder andnu, nisamma 1 adder Jaan Kibbali käest.

Karl Sarrap ütles et Jaan Matz kündnu selle adraga.

Jaan Kibbal ütles, et ta se adder Jaan Matzi käest wõtnu n. temma käen läinud katski n. winu 8. Septembril s. a. seppa kätte parrandada, sep parrandanu ärrä n. pandnu seppi koa mannu kost ärrä warrastud 11. Septembri s. a. se adder masnu wastselt 12 rubl. nüüd nõuda moisa 7 1/2 rubla.

Sep Jaan Toom ütles, et ta parrandanu se adder ärrä n. pandnu senna seppikoa mannu se adra wälja kos ikkes ka adra seisnu, sest et seppikoan moisa pu tö perrast olnu rumi seista. Kubjas piddanu essi selle eest hoolt kandma, et se olles paigale pantu.

Moisteti: Et sep Jaan Tomel moisaga se kahjo polest wõtta, selleperrast et ta parrandedu ei käskinu ärrä wija ja moisal selleperrast et seppikoan ei olnu rumi, temma pu tö perrast.

Se otsus sai neile kulutud. Kaewataw Jaan Toom ei olle rahhule n. nõuab protokolli, mis ka lubbati, oppusse kirja andmissega.