N 8. Waimela kog. kohtun sel 10 Janr. 77. 

Man olliwa: Päkohtumees J. Tschuchna, Abbi J. Kuk, dito J. Weiso.

Kaibas Moisawallitseja J. Kalling Monamehhe Hindr. Hamme päle, et se olla ilma Moisa lubbada 7 päiwa ärrä olnu, ei sukkugi töle tulnu, warrastanu Pölgaste meeste kübbarat ja kakkelnu neidega selleperrast Moisan, ja korda ei woida Moisawallitsus mitte kannatada. Moisawallitsus palles temmaga sädusse perra tallitada.

Hindr. Hamme wastut, et üttes päiwas olla temma lubba pallelnu ja antu kehhelkonna kohtu minna; kats päiwa olnu haige, suggulasse olnu käüman, ni ollnu temma kül se aig ärrä, ent laimi ei olla temma tennu.

Moisa wallitseja wastut, et temma perra kullemisse perra ütteldu kül, et Hamme haige olla, ent perrast tallitanu temma muid asju ja käünu lubbada ladal ja muijal.

Moisawallitseja lubbas temmale selle tingimissega andis, et eddispäide sönna kulelikult teenip, henda pahhandusse eest hoijap ja kui mitte, siis towotap M. wallitsus tedda wallale tetta tenistussest.

Hindr. Hamme olli sellega rahhul.

Päkohtumees J. Tschuchna xxx

Abbi J. Kuk. [allkiri]

dito J. Wäiso [allkiri]

Kirjotaja HKalkun.[allkiri]