Johhan Matz kaibap Peep Tobree päle, et tem(m)a andnu Pihkwa lina worimajan 40 rublat Pebule, ne olnu kolm 10ne rublalist nink kats 5je rublalist, ent nüüd ei massa tem(m)a mitte 40 rubl enge tahhap 30 rubl massa, ja nõwwap et kohhus se 10 rubl ka tem(m)a käest wälja sunnis. -

Peep Tobre wastutas - minna küsse Johhan Matz kaest 30 rubl, kumba temma ka and, kats 10ne rublalist - penembat rahha kats 5je rublalist.

Johhan Matz pand tunnistajas, ke selle rahha andmisse man olnu, nimmelt Jaan Kirristaja, Jacob Haidak, nink Peter Lutzar.

1. Jaan Kirristaja and selle ülle tunnistust, et sedda rahha andmist es näe ma mitte, kui en(n)egi sedda jutto, et 30 rubl om sanu, kon ne sõbralikkult jutto aijewa. Johhan Matz es ütle mitte sepäle, et kolm kummend rubl om sanu, middagi

2. Jacob Haidak and tunnistust, et ma sest ennamb ei tija, kui sedda kuli, - et Peep Tobre Johhan Matzi käest küsse, anna minnole 30 rubla. -

3. Peter Lutzar tunnistas, et minna ei tija ennamb kui Peep Tobre Johhan Matzi käest küsse, "an(n)a minnole rahha," ja Johhan ütel; "wõtta wai 50 rubl."

Ent Peep Tobre üttel- ma ei tahha ennamb, kui 30 rubl, sest om mulle kül. -

Selletus: Peep Tobre ja Johhan Matz, mõllemba lubbawa wandu, sis arwap koggokonna kohhus sedda 10 andmist Peep Tobre pale kelle käest sedda rahha nõudas: muido wõip Johhan Matz üttelda, minna anni ni, ja ni paljo, minna wannu, massa wälja. Et koggokonna kohtul wannutamisse oigus ei olle, kui ennegi

§ 870 oppamisse p. suremba kohto man, jättap koggokonna kohhus sedda wandumist noudmata ja annap otsusse ärra:

Otsus/n. Et kolm tunnistajat om(m)a sedda kulnu, kui 30 rubl Peep Tobre tahtnu, sis es wõino Johhan Matz ka ülle nõudmisse Peep Tobrele rahha anda - jääp neide wõlg 30 rubl päle kindmas, nink Peep Tobre 10ne rubl masmisest pri. -

                           Kog. kohtowannemb:

                            Kohtomees: tomas Häm(m)alänne

                          Kohtomehhe assemel wallawannemb S. Härms

                                  Kirjotaja: P Black

Johhan Matz ei olle selle kohto otsussega rahhu, tahhap surembat kohhut käwwa, sellepäle temmale oppusleht kätte antu. -