Wanna Koiola koggokonna kohtun, Wissel, sel 28mal aprilil 1869.

Jaan Paun Perri wallast kaibap, Wanna Koiola mehe Peter Lauk päle, et Peter Lauk omma tallo temmale een tullewa Jürri paiwal 1869 ärra and - ja om üttelnu, minnol om õigus anda kelle minna tahha - minna olle rahha wälja masnu. Sepäle omma Timmo moisa rendi herra een leppingo kirjutanuwa Peter Lauga essaga, seddawisi ni kui lepping näütap, et Jaan Paun massap 450 rbl ja sest rahhast om noor Peter Lauk 26mal julil 1868, käerahhas, mes essa leppingo alla temma essi, kes perremees, om kirjotanu ja 200 rbl wasta wõtnu, ja 1 pund ristikahaina seemnit ja aida tabba sest leppingost piddi wälja jäma, se om et Peter Lauk piddi ne Jaan Pauna käest taggasi sama. Jaan Paun ollew ka weel 2 1/3 wakka ma küttis raggonu ja kündnu, 1/2 wakka ma ristikhaina söötu, 1/3 södu kannost puhhastanu haina ma tarbis, sedda om temma süggise 1868 aastal, Peter Lauk ja temma poja lubbamissega ten(n)u, ilma et na olles keeldnu, ent nüüd ei anna mitte tallo, ja ei ollewgi neil anda, ni kui koggokonna kohhus üttelnu. Päle selle üttel Jaan Paun ka weel 1 wak ka rükka sinna küttissehe mahha külwat, nisamma ka 1/2 wakka - wanna ma päle. -

Jaan Paun nõwwap omma leppitut maija, ja sedda Peetre käen anda ei olle, sis se hulgutamisse eest et ta omma wannast platsist ilma jäi, ja sedda ostetut maja õigust kätte ei sa, nink se hulga töö eest mes ta sinna tennu Peter Lauga tullos - 50 rbl ja rahha mes käe rahhas antu poolt kõrlewale se om kokko 450 rbl.

Noor Peter Lauk and wastust, et minno essa om jodik, sedda wõise Jaan Paun petta, ni paljo kui ta essi tahhap, ja minna sest leppingost middagi ei tija. Maa tööd om ta kül ni ta tennu - ni kui üllewen ütteldu, sedda üttel ka tem(m)a essa Peter Lauk nida õige ollew.

Peter Lauk wastut et Jaan Paun om sest 200 rbl. kaerahhast 20 rbl taggasi wõtnu. - 

Se käe rahha taggasi wõtmisse perrast and Jaan Paun wastust, et se 20 rbl ei olle middagi käe rahha külge puttunu - neil om wõlga olnu ja om sedda selletanu. -

Peter Lauk´a ja temma poja käest saije nõutus, neide omma henda wahhel tettut leppingo lehte, ent sedda es and mitte koggokonna kohto kätte nätta. -

Selletus: Et Peter Lauk om eddimalt, leppingo tennu, kes henda essi ja poig jodikes nimmetawa, ja sega tahtwa sedda leppingot tühjas tetta. Ent et noor Peter Lauk kes ka perremehhes henda nimmetas om se 200 rbl käe rahha henda kätte wõtno, ja omma käega leppingole alla kirjotanu, sest oma selgest nätta, et se om poja tahtminne olnu. Ja omma ka lasknuwa hulga tööd tõisel omma ma päle tetta tõises ajastas walmis, ilma et olles keeldnu ehk kaibanu. Ja omma üttelnu et meil om maija oigus anda kelles na tahtwa. Sedda luppa neil weel ei olle, enge Keisrilikko Tarto Krono moisa kohtul. Nink se maja om Ado Pladole koggo-

konna kohto ja Krono moisa wallitsusse kohto läbbi se 16mal mäzil 1866. ärra antu, ja see weel neide wahhel kohto sissen om - mes teedmata kum(m)ale jääp. -

Mõistetu: Noor Petre Lauk ja tem(m)a essa Peter Lauk, kennel warrandus üttine om, maswa ütte Jaan Pauna käerahhale kõrwale 100 rbl, ja se sure hulga töö eest 50 rbl. Se om kokko kigega neil massa 350 rbl. Se wälja masmisse aig täämbetsest paiwast katte näddali sissen täuta. -

                          Koggokonna kohtowannemb:

                                   do       Kohtomees: Peep Tobree

                                              Kohtomees: Tomas Häm(m)alan(n)e 

                                  Kirjotaja: P Blaik

Peter Lauk ei olle selle sinnatse kohto otsussega rahhu ja tahtwa surembat kohhut kawwa - oppusleht katte antu.