Mes N 18 al s.a. polele jäi, tunnist Marri Thron, et Talgu tohtri ammetist ei nännu ei ka kuuldnu temma middagi, muud kui nekrudi saisnu neil Marri Palloga een, tarre olnu innemissi täüs ja Nekrut Antz Kuk awwitannu tedda töistest läbbi wälja ja lasknu wallale. 

Marri Pallo tunnist, et temma olnu tarren sängi pääl, nekrudi saisnu sääl een, kegi ei putnu tedda, lännu perran muid wälja ja tohtri ammetist ei nännu ei ka kuuldnu temma middagi. 

Michel Mitt wastut, et temma olnu talgun, agga mitte tohtri; tohtri ammet olnu ka kül, ent ne eestwötja olnu: Jakob Arik, Peter Kiltre, Johann Sulg. 

Temma olnu ka kül sääl neide sean ja ne nimmitedu mehhe üttelnu ka temmale, et sinna kölbat ka tohtri ammeti päle, ent temma ei olnu selle nimmega rahhul ja nemma essi olnu allustaja ja löppetaja; ent temma ennegi ütten mängja. Paljas ei sanu keddagi kistus.

Jaan Jaaska tunnist, et Joh. Sulg hardnu Catri Sawwi ündriko pitte kinni, pandnu ree päle istma ja Carl Liimann joos kuu mannu ja lönu nimmitedu tüdriko reiwa alt ülles paljas. 

Andri Ostra tunnist, et Maddis Arik, Peter Kiltre, Johann Sulg ja Michel Mitt tömbsiwa Catri Seitsme ree päle mahha ja temma keeldnu säräst tempu, mes nemma mitte ei kuulnu. Temma pandnu sääl ennegi tähhele, et kas temma sössar ka jättetas rahhu ja kui mitte, siis ollnu tema walmis sössarele appi minnema, ent nekrudi ei tallitannu middagi. 

Jakob Arik wastut neide tunnistuste päle, et temma ei tennu kellegi middagi halwaste, piddanu ennegi nalja, ent keddagi ei tömmanu temma mahha, ei tallitannu ei ka nännu middagi. 

Otsus:

Et weel tunnistajaid ja süüdlaisi puduwa, jäeb weel polele. 

Päkohtumees Mihel Jaaska [allkiri]

Abbi J. Kuk. [allkiri]

dito J Wäiso [allkiri]

Kirjotaja HKalkun [allkiri]