Jaan Michelson kaibas, et üts poolpäiw õhtu kui ta Haslawalt tulnu, perremehhe Jaan Unti tannumist läbbi minnen, wõtnu tedda te pääl kinni Peter Anni, Jaan Goldberg ja Willem Wiksi, peksnu tedda armetust ja riisnu ridet säljast ärrä:

Ta nõuda neis asju kätte ja päle se süidlasse käest omma peksmisse eest 100 rubla.

1. Kaewataw Peter Anni wabbandas, et ta läinud hobbest söötmast Wiksi pole lauda päle, kos ka Willem Wiksi ja Jaan Goldberg olnu ja tulnu wimati senna ka se kaebaja Jaan Michelson tüdrukit otsima, pühhapäiw õhtul, tõmbanu tulle tikkuga ülles, pandnu paggema, jätnu omma sapa ja kübbar Willem Wiksi kätte, kui ne jo 4 näddalit sääl olnu n. ta otsima ei tulnu, sis winu nemma ne sapa Mäksa kõrtsi mannu kus nemma praegu ja se kübbar weel Willem Wiksi käen olla. Peksa ei sanu ta.

2. Kaewataw Willem Wiksi wabbandas nisammute ja ütles weel, et neide sabaste päle jonu nemma kõrtsi man 1 korw õllut, et teda sääl saas, kes neide perremees olles. Kübbar olla weel temma käen ja muist asjadest nemma ei teda.

3. Kaewataw Jaan Goldberg kõnneles, et Jaan Michelson tulnu tol (ööl) õhtul senna lauda päle, olnu sapa käen, kui paggema läinud, jätnu sapa ja kübbar senna.

Kaebaja Jaan Michelson ei ütle sedda õige olla, enge olla se assi perremees Jaan Unti tannomin sündinu, kos perremees temmale tännitamisse päle weel appi tulnu.

Moisteti: Et ka Jaan Unt ette kutsu töise körrast.

Se otsus sai neile kulutud.

Pä kohtomees Johann Werrew XXX

Kohtomees Jaan Mollok XXX

Kohtomees Johann Konsa XXX 

F. Thal <allkiri>, kirjotaja.

No 170 jure 171