Perremees Jaan Unt tunnistas küssimisse päle, et to körd maggamisse ajal penni nakkanu haukuma, ta läinud wälja nink näinud tannumin hulk poisi Jaan Michelsoni pääl, sis lüinud nemma ärrä ja Jaan Michelson jänu ilm kubbarada senna seisma. Ka enne Mihklipäiwa olla Petre Anni sääl temma ussaijan käinu nink temma koera püssiga lasknu, kui ta ei olles sedda püssi propi ärrä kistuda sanu, sis olles nemma kiik ärrä põlletanu.

Wallitseja Th. Kussmanoff ütles et ne kaewatawa Peter Anni ja töiset kiik moisa kol. pojat, olla ka moisan herra juren kaebaman käunu, et Jaan Michelson to ösel ümbre hulgumisse pääl tikkga tulle ülles tõmbanu nink olles sel modul moisa honet ärrä põlletanu. Seperrast olles sowida, süidlasse selleperrast trahwida.

Moisteti: Et kunna se assi tun. Jaan Unti perra te pääl rööwli kombel sündinu, sis omma süidlasse selle pekso ja risumisse eest Tarto ma kohto kätte anda.

Se otsus sai neile kulutud.

Wimati tulli Johan Hango ette nink tunnistas, et se assi ei olla mitte te pääl sündinu, enge perremehhe Jaan Undi aidan, kos Peter Anni, Willem Wiksi ja Jaan Goldberg leidnu Jaan Michelson sääl tüdruku man magganu, sapat ja ridet säljast ärrä woetu olla olnu, sis olla kohhe ilmwibimada Willem Wiksi ja Jaan Goldberg temma sapa ja kübbar naljaperrast ärrä wõtnu. Peter Anni ja weel Jaan Michelson weel senna tüdruku mannu.

Moisteti: Et se assi 27. Oktobril s. a. wastsest ette wõtta ja kohto käija kui ka Jaan Undi tüdruk An Konsin ja sullane Jaan Wisse tunnistajast ette kutsu on.

Pä kohtomees Johan Werrew XXX

Kohtomees Jaan Mollok XXX

Kohtomees Johan Konsa XXX 

F. Thal <allkiri>, kirjotaja.