Wanna Koiola koggokonna kohtun Wissen, sel 11nel webruaril 1875.

                   Man olliwa Kohtowannemb, Jaan Pihho

                                       Kohtomees, Johann Keerd

                                       Kohtomees, Karel Kooskora

Tio Haidak om(m)a eestsaisja Johann Lutzar´ga kaibap Jaan Merk päle, et tem(m)a poiga olla pesnu; nõwwap 200 rublat. -

Jaan Merk wastutas:" Tem(m)a poig Peter tulli tarre ja wõt ülle minno kelo sullase pilli laudult mahha, kui ma keeli, ent sedda es kuule; sis ütli:" Warras kassi wälja," eila wõttis minno kam(m)i ärra." Ja aije kät pitte wien tedda läwwest wälja; nink se päle ütles mulle:" Mes sa mulkus hullat minnoga."

Tio Haidak pand tunnistajas, Peter Kopli ja Jaan Wals.

Peter Kopli and tunnistust:"Jaan Merk olla tälle üttelnu."Minne ja wiska Peter Lutzar kambrest wälja; ent ta ei olle üttelus päle lännu, sis om essi lännu ja poisi wälja wissanu ja kolm kõrd sälga russikoga löönu". - 

Jaan Wals and tunnistust:"Minno näggemisse perra saije Peter Lutzar 7 wai 8 lööki tarren hä käega, kui kurra käega tedda kin(n)i piddi."

Moistetu: Et Peter Lutzar Jaan Merk kambrede om(ma lubbaga om tüknu, om täl selle ülle ka süüdi; ent Jaan Merk tedda pesmissega wälja ajanu; om täl ka süüdi. -

Otsus: Et pois om(m)a lubbaga om lännu ja tarre tüknu; ei sa hallo rahha, ent et Jaan Merk tedda pesmissega om wälja ajanu ja om(m)a õigust ülle lija pruuknu, mes § 1050 seddawisi ei olle lubbanu tetta ja kaitsmisse pirist ülle astnu. - Massap Jaan Merk 3 rublat kottusse koggokonna walla waeste ladike sisse 14 päiwa sissen .- 

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                               Kohtowannemb, J Pihho

                                  Kohtomees, Johann Keerd  XXX

                                  Kohtomees, Karel Kooskora  XXX

                                  Kohtomees, Peep Tobre  XXX

                                       Kirjotaja, J. Käis

Tio Haidak´le om protokoll lubbat, ent Jaan Merk´le mitte; mõllembile oppusleht kätte antu.

Tio Haidak protokoll wälja saanu sel 14nel webruaril s.a.

                                      Kirjotaja, J. Käis