Wanna Koiola koggokonna kohtun Wissen, sel 11nel webruaril 1875.

                              Man olliwa Kohtowannemb, Jaan Pihho

                                                  Kohtomees, Johann Keerd

                                                  Kohtomees, Karel Kooskora

Austud Keiserlikko V. Tarto Kihhelkonna kohto kirja läbbi. mes sel 10tal webruaril s.a. Nr 718. teda samisse perra käsknu Peep Tobre kätte welle Widrik Tobre warrast, kes soldatis lännu, 100 rublat kinni panda ja warsti 10 rublat Ann Ootsinge hääs wälja massa ja nida eddesi egga aasta

Peep Tobre wastutas."Minno käen ei olle tem(m)a rahhast ei ka warrast middagi, sis ei woi ka minna welle wõlga massa, kellega mul üttist warrandust ei ka teggemist ei olle olnu." -

Otsus: Kui Peep Tobre ei tahha wälja massa ja tijap henda puhta ollew, sis wõtko se ette kulutet protokoll wälja säetul ajal, nink wigo kihhelkonna kohtuhe, kon tem(m)a ehk woip henda sest wallale tetta, ent kui Peep Tobre sedda protokolli säetul ajal wälja ei wõtta, sis peap nida täütma, kui kirja sissen om kästu.

Se kirri om sel 11nel webruaril s.a. Peep Tobrele ette kulutet ja protokolli ülles wõetu. 

                     Kohtowannemb; J Pihho

                         Kohtomees, Johann Keerd  XXX

                         Kohtomees, Karel Kooskora  XXX

                                  Kirjotaja, J. Käis