Wanna Koiola koggokonna kohtun Wissen, sel 10tal märzil 1875.

                   Man olliwa kohtowannemb, Jaan Pihho

                                       kohtomees, Johann Keerd

                                       kohtomees, Karel Kooskora

                                       kohtomees, Peep Tobre

Peter Janga kaibap Michel Kollo päle, et tem(m)a käest olla Michel Kollo Kauksi kõrtsi man hobbese ärra wõtnu ja riista päält ärra wiinu, kellega ütten mõllemba Lewako podin olla käünu. Pand tunnistajas Moisekatzi mehhi Michel Hirmo ja Josep Wahtra; " kes sedda olla nännu."

Michel Kollo wastutas." Minna es wõtta tem(m)a hobbest, enge tulli jalksi ärra, kui hobbene perremehhest olli ärra widu," -

Moisekatzi mees Michel Hirmo and tunnistust:" Michel Kollo olla hobbese wõtnu kui Peter Janga kõrtsi jänu, nink uhja wallale pästnu ja päle isten Põlwa pole sõitnu. Sedda sam(m)a ütles ka Josep Wahtra.

Moistetu: Et katte tunnistaja läbbi awwalikkus sanu,et Michel Kollo olla hobbese wallale pästnu ja päle isten Põlwa pole sõitnu, nink Petre Janga kõrtsi mahha jätnu, ehk kül mollembide pääle hobbene, käwwa üttine olli

Otsus: Peap Michel Kollo se 5 rbl 50 kop ka henda päle massa wõtta, mes protokollin Nr 274. sel 30 dezembril 1874 Petre Jangal olli Josep Kriwale massa; ni et Michel Kollo 11 rublat Josep Kriwale 14 päiwa sissen hobbese päält rässito riisto eest peap masma. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                    Kohtowannemb, J Pihho

                     Kohtomees, Johann Keerd

                     Kohtomees, Karel Kooskora

                         Kirjotaja, J. Käis

Protokoll lubbat ja täämba oppus lehhe kätte antu. -