Ette tulli Juhhan Lätt ja kaibas: Et temma olla enne Jani päiwa üts nättal Michkel Rikkandi poole lännu nink temma manno karjases lepnu ja talwes ka seni kui kapstamaarja päiwani 1878. ja Mihkel Rikkand piddi mulle röiwa ka andma, ja palka meil middagi leppitu es olle, ja nüüd olle minna 11 näddalit tedda teninu ja temma aije minno ärra selleperrast et minna temma ellajit peswat ja ruhwast sõimawat kedda minna mitte tennu ei olle ja nüüd nöwwa minna Michkel Rikkandi käest 11 Rbl ja minna olle ka omma särki ja kuskat temma karjan piddanu. 

Mihkel Rikkand ette kutsuti ja kaibus ette loeti kes wastut: Et temma ei olla Jaan Lätt marastegi karjase kaupa tennu, sest temma talle essi sinna ja pakse hennast essi karjuses. ja temma olli minno man 9 näddalit karjan nink läts essi minno mant ilma minno ajamata ärra kui minna tedda karja aije ja selle aja eest massa minna temmale 2 Rbl. 

Kohhus Moistse: Et Mihkel Rikkand peap sis Juhhan Lät selle 9 näddali karjan käumese eest 4 Rbl masma. 

Moistmine ja §773 ja 774 sai kohtun käüjile ette loetus kon nemma ka sellega rahhule olliwa.