Wanna Koiola koggokonna kohtun Wissen, sel 7tal aprilil 1875.

Man olliwa Kohtowannemba assemel Peep Tobre

                    Kohtomees, Johan Keerd

                    Kohtomees, Karel Kooskora

Kaupmees J. Pihho kaibap, et tem(m)a lasknu Ropkast õllut tuwwa ja käsknu Michel Käist rahha ärra massa, kes ka neide tojidega ütten läts; nink Michel Käis olla rahha masnu nii paljo, kui sääl om nõuto; ent nüüd rahha ennämb wõet, kui toja olla õllut tonu. Koggoni 1 waat pudus. Johann Lutz olla 1 1/2 waati ja Peter Pik 2 wati toonu; mes essi wasta wõtnu.

Peter Pik wastutas:"Minna panni wati päle, kui Michel Käis ka mann olli, ent Michel Käis tulli tühhalt. Ent sedda ma ei tija, paljo Johann Lutz enne olli päle wõtnu; nink Michel Käis mas rahha ni paljo kui sääl nõuti". -

Michel Käis wastutas:" Minna  es tija sest õlle tomissest middagi, enge kaupmees J. Pihho ütles: Massa rahha ni paljo kui nõudas; nink minna massi nink wõtti kwitung wasta, mes kotton J. Pihho kätte anni. -

Johann Lutz wastutas:"Minna tõije 1 1/2 wati ja tulli een ärra, ent sedda ma ei tija, paljo perrast nem(m)a tõiwa". -

Kaupmees J. Pihho selletamisse päle et nida omma ram(m)a ka keldre meistre ütlemisse perra päle pantnu et Johan Lutz om 1 1/2 wati ja Peter Pik 2 wati päle pandnu. -

Moistetu

Mihkel Käis kelle kätte se tallitus olli Pihhost ussatu ja palleltu et ta piddi se õlle wasta wõtma ja rahha ärra masma, nink nüüd ütte wati rahha en(n)amb masnu kui Pihho õllut wasta wõtnu peap Mihkel se puuduw wadi õlle nisamma ka wati hind mes kokko 18 rublat Pihho käest ilma nõudas katte näddali sissen ärrä masma.

                       Kohto wannemba assemel Peep Tobre  XXX

                                     Kohto mees Karl Koskora  XXX

                                       "           "     Mihkel Kurwirz  XXX

                        Kirjotaja assemel S. Härms

Michel Käis protokoll wälja saanu sel 8tal aprilil s.a..  Kirjotaja, J. Käis