Wanna Koiola koggokonna kohtun Wissen, sel 7tal aprilil 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Josep Kriwa tulli ette om(m)a poja Peter Kriwaga ja lubbasiwa Peter Kottissele, kes Josepi tütre ehk Petre sõssare hennele naises wõttap, om(m)ast maast 32 wakka alla mõtsa maad Mõtskülla piri wasta iggawes ja iggawes perrises; nink Peter Kottisse, kui tahhap om(m)a naise wellega ütte ella, sis ei woi tem(m)a ka palka nõuda tem(m)a käest, kui naise essa ellap, nink ka perrast, kui ta peas ärra koolma. - Selle nim(m)itet ma eest massap eddespiddi Peter Kottisse sedda renti, mes Krono polest nõudas.  Nink haina maas annap ta tälle sedda tükki, mes Kitsearro soos kutsutas selle male manno. - Ent kui Peter Kottisse enne wiit ajastaiga om(m)ast naise essast ärra lahkup, sis ei jää ka sest nim(m)itedu maast ilma. -

Kiik selle leppingoga rahho ja kinnitawa sedda om(m)a käega risti tõmbamisse läbbi

Essa Josep Kriwa  XXX

     poig Peter Kriwa  XXX

wäimees, Peter Kottisse  XXX

                          Kohtowannemb, J Pihho

                          Kohtomees, Johann Keerd  XXX

                          Kohtomees, Karel Kooskora  XXX

                              Kirjotaja, J. Käis