Wanna Koiola koggokonna kohtun Wissen, sel 5tal mail 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Peep Tobre

                    kohtomees, Karel Kooskora

/Saije ette woetus, mes sel 21sel aprilil s.a. Nr 37 polele jäije./

Jaan Warres neide welli and tunnistust: Minna olle kigega rahho, ni häste warrandusse, kui ka ma polest; mes ka to kõrd, kui ärra lahko protokolli saije ülles pantus." -

Michel Warres ütles: "Sinna wõit ka minnost minna; ent rõiwa wõtta minna ärra!  - Petre käest, mes min(n)o om(m)a soetedu." -

Moistetu: Et kaddonu Ado Warres neide kolme poja essa Mihklile ütsinda, sedda maija ja maad ei olle andnu; weel sedda wähhamb warrandust.

Otsus: Sis perrip Peter Warres kigest maja warrandussest: olgo elläja, riista, willi sömisse, ehk külwi tarbis, - pool ent Mihkli naise todu warra enne mahha wõet.   Nink maja õigusse eest massap Michel Warres Petrele 50 rublat. Nink Michel Warres tassop essi wõlla, kui peas neid tem(m)a jomisse läbbi maja pääl ollema. - Sest et tem(m)a essa aiga tio perrast wõlga es olle. - Jaggo peap 8 päiwa sissen Michel Warres wälja andma Petrele. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                          Kohtowannemb, J Pihho

                          Kohtomees, Johann Keerd  XXX

                          Kohtomees, Peep Tobre  XXX

                          Kohtomees, Karel Kooskora  XXX

                              Kirjotaja, J. Käis

Michel kui ka Peter Warres ei olle kumbgi selle otsussega rahho; pallewa protokoll wälja, mes ka kiik kohtomehhe lubbasiwa

Oppus leht mõllembile täämba kätte antu. Michel Warres protokoll wälja saanu sel 12nel mail s.a.        Kirjotaja, J. Käis