Wanna Koiola koggokonna kohtun Wissen, sel 19nel mail 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Et kaibussi rahwa sean, wastast modo ma pruukmisse perrast paljo kuulda om, sis ei woi ka koggokonna kohhus sinna wahhele minna, et wanna rent om. Ent eddespiddi, wastne rent 1876 kewwaja mast om ja kui keaki peas kohto sisse kaibama, sis saap ni otsus antus, kui siin al pool nim(m)itet om: -

1, Tullewa kewwaja, kui wastne rent mastas, perrip eggaüts om(m)a wastse krondi perra I aija -maa II hainamaa III karjamaa. -

2, Nink nurme maa, kohhe tõtteste ja kõrda möda minnewa aasta 1874 sit om pantu nink rügga tettu; - teep weel wanna krondi perremees hennele 1876 tõug wiljas; nink muid maid nurmen, kohhe keaki süggisse 1874 sitta om widdanu tõuwo olle päle, nink tõwwo ärra wõttap; - perrip ka wastne; nink nisam(m)a ka tõise sittata rügga-olle, kessa, ristik haina kandso, wastse ristik haina, kui ka kartohwli moo; - perrip wastne; ni et en(n)amb muud ei olle asja wannal, tõise wastse krundi päle, kui ne täwwelisse sitta-maa rügga olle, ni kui een pool ütteld om.

3, Ristik-haina kandso, kui ka palja kessa sawa jo 1875 1 julil wastse krondi piddajale ent selle aastatse kessa jo enne, kui röa sitta waja witta nisam(m)ate. -

4, Mõtsa mes 15 aastat arwata saisnu ollew, raggo egga wanna krundi perremees, tõise wastse krundi päält, kui sel wasta ei olle anda ja woip ka asseme põllus tetta; nink katte wilja al pitta; sis jääp wastse kätte se ma pruuki, ent mõts olgo ärra raot 1876 23 aprili kuu päiwani; kui peas wahhest mõnnel paljo mõtsa ollema, et ei jõwwa nim(m)itet terminis ärra pruuki, sis and kohhus selle ülle otsust, kui kaibust tõstetas. 

5, Mõtsmaa põld, kost kats wilja woetu sawa  kessa künni aigo wastse kätte, nisam(m)a ka ne kost weel woetas; 

6, Kiik tõug asseme, mes nurmen, ehk mõtsan, sawa ka wastse krundi om(m)anikke kätte, sissam(m)a õkwa, kui wanna sel aastal tõwwo päält ärra wõttap, ni et wastne woip röas tetta, kui tahhap, ent ei mitte wastse ma tõug olle, kost 1 willi woet.

7, Wastse krundi perremees woip ristik haina alla külwa, kui wanna tõugo tegge sel aastal; ent wanna mitte. -

8, Aija maad perrip eggaüts kohhe sitta pantu oma wastse krundi perra 1876 aastal kewwaj; nink nidasam(m)ate haina-küüni ja aija, mes põllo een, wõttap wanna perremees sis, kui wastne jobba maad arrip sääl pääl. -

9, Ent selle aastatse maa pruukimisse kohta annap koggokonna kohhus otsust, kes kaibama peas keddagi tullema.

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                             Kirjotaja, J. Käis