Wanna Koiola koggokonna kohtun Wissen, sel 19nel mail 1875.

Man olliwa kohtowannemb Jaan Pihho

                    kohtomees, Johann Keerd

                    kohtomees, Karel Kooskora

Jann Haidak kaibap et Johan Kriwa olla tem(m)a wastse krundi sisse om(m)a wanna kessa 4 wakka maa ülles kündnu ja nõwwap tedda hennele taggasi. -

Johan Kriwa wastutas: Minna ei olle mitte nurme putnu, enge mõts ma kessa olle ma kündnu; nink 10ne wakka-maa kessa om mul Jaan Haidagole wastse arwo perra käest lännu, ent tem(m)a käest ei olle en(n)ämb wasta saanu, kui paljas 3me wakka-ma ja palja södi, woip om(m)e paljid sööte künda, kui tahap.

Peter Peedzo ei kaiba muud, kui et tem(m)a käest lät ärra Jaan Haidako kätte 6we wakka-ma mõts kessa. -

Moistetu: Et ütski kondrat ei olle nätta kuis maad peap pruukma, ent sedda tijap koggokonna kohhus, et seni ajani eggaüts om(m)a maad ni om pruuknu, kui keaki om tahtnu;

Nink nüüd ei olle ka üttegi kohtolikko sädust selle ülle anto, kuis maad peap pruukma. Sedda om ka teda, et mõnne perremehhe ei olle ka kats aastat om(m)a sitta wälja widdanu. Ent mõnni perremees om om(m)a maad säduselikkult, olgo nurme ehk mõtsa maad, pruuknu. Sis ei woi koggokonna kohhus wastast krunti neile nim(m)iteduile kaibajile kätte anda

Otsus: Sis perriwa eggaüts ne kolm nim(m)etet perremeest: Jaan Haidak Peter Peedzo ja Johan Kriwa om(m)a wanna krundi teggemist tõwwus, mes seni mani selle tarbis arrito om, ent  wastsest ei tohhi keaki en(n)amb künda. - Nink 1876 aastal perriwa eggaüts, nida kui protokoll Nr 49. sel 19mal mail s.a. näütap, mes ka neile ette om kulutedu. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, Karel Kooskora  XXX

                                 Kirjotaja, J. Käis

Kumbgi ei olle selle otsussega rahho, pallelsiwa protokoll wälja, mes ka lubbatus sai. Jaan Haidak täämba oppus leht kätte sanu, nida ka Johan Kriwa.

Johan Kriwa protokoll wälja sanu sel 19 mail s.a.

                                                                                    Kirjotaja, J. Käis