Wanna Koiola koggokonna kohtun Wissen, sel 19nel mail 1875

Man olliwa kohtowan(n)emb, Jaan Pihho

                    kohtomees, Johann Keerd

                    kohtomees, Karel Kooskora

Jaan Hindrekson nõwwap om(m)a protokolli täütmist, mes sel 6tal aprilil 1870 Josep Pihho wasta om moistetu, et Josep Pihho ei olle kaiwo awwitanu wälja kaiwa, ent muido olla kiik protokolli perra täütet

Josep Pihho wastutas: Minna olle kiik se täütnu, mes protokoll kässep; nink kaiwo manno olle ka minna 8 päiwa tublist tööd tennu; ent nüüd se wan(n)a kaiw, mes minno käest om tõise krondi sisse lännu; nink sest ilma olle; sis nõwwa: Et tem(m)a mulle 8 päiwa taggasi tees ja meistret 6 päiwa södas."

Jaan Hindrekson wastutas: Se om õige, et 8 päiwa tublist awwit ja pälegi kuus päiwa weel kaiwo meistret om(m)alt poolt söötse." -

Mõistetu: Seperrast wastselt moistet se wanna otsus kaiwo perrast ümbre, et se wanna kaiw tõise krundi sisse lännu, kon J. Pihhol ennämb üttegi wee õigust ei olle. -

Otsus: Peap Jaan Hindrekson 8 päiwa Josep Pihhole taggasi teggema ja 6 päiwa meistret söötma; seperrast et se wanna üttine kaiw, mes enne poles olli, Josep Pihho käest ma kruntimisse läbbi tõisele lätse ja Josep Pihho koggoni sutumas ilma jäije ja peap hennele wastne kaiw kaiwma.

Kohtokäüjile otsus ette loetu suremba kohto käümisse sädus § 772, 773 n. 774 perra kulutedu.

                 Kohtowannemb, J Pihho

                 Kohtomees, Johann Keerd  XXX

                 Kohtomees, Karel Kooskora  XXX

                          Kirjotaja, J. Käis

Jaan Hindrekson kulutas, et tem(m)a selle otsussega rahho ei olle, pallel protokoll wälja, mes ka lubati. -

Jaan Hindrekson oppusleht täämba kätte sanu. -

Jaan Hindrekson protokoll wälja saanu sel 24tal mail s.a.               Kirjotaja J. Käis