Wanna Koiola koggokonna kohtun Wissen, sel 4tal junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Matz kaibap et Jaan Tobrelutz ei olle tälle leppitud aasta palka kätte masnu, nõwwap sedda kätte; nim(m)elt 25 rubl.

Jaan Tobrelutz wastutas: Kui ta minno aasta, kui leppit olli, olles otsa tenu, sis olles minna ka palk masnu, ent tem(m)a läts 8tal septembril minno mant ärra hennele maija teggema; mes woise ka perrast teenmist tetta." -

Jaan Matz and wastust: "Minna piddi selleperrast ärra minnema, et naise essa mulle maad and, kohhe maja piddi päle teggema; nink allose kaupli minna ka hendale alla, kes minno eest piddi aasta otsa teenma; ent tem(m)a es wõtta sedda allost wasta." -

Moistetu: Et se awwalik, et Jaan Matz ma olli sanu ja ka maija se ma päle piddi teggema. Sis arwap sesinnane kohhus tem(m)ale ka sedda õigust mes § 385 kässep; nink tem(m)a olli ka allos henda assemele kaubelnu, mes perremees mitte ei olle wasta wõtnu

Otsus: Massap kige se suwwe kalli tö teggemisse aja eest 10 rubl Jaan Tobrelutz, Jaan Matz´le 14 päiwa sissen wälja. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                   Kohtowannemb, J Pihho

                   Kohtomees, Johann Keerd  XXX

                   Kohtomees, Karel Kooskora  XXX

                           Kirjotaja, J. Käis

Jaan Tobrelutz kätte täämba oppus leht antu ja ka protokoll lubbatu.

Jaan Tobrelutz protokoll wälja sanu sel 7tal junil s.a.       Kirjotaja, J. Käis