Wanna Koiola koggokonna kohtun Wissen, sel 4tal junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jakob Lutzar kaibap, et tõise perremehhe om(m)a tem(m)a wastse krundi sisse kessa ülles tõug wilja alla kündnu ja nõwwap teggasi. 

Michel Tobrelutz wastutas:"Minnewa aasta künd Jakob Lutzar essi minno krundi sisse herne moo ülles ja sel kewwajal möie tem(m)a jälle minno krondi sissest rahha eest,  kessi muile. Ja kessa saiswa kiik meil tem(m)a krundi sissen. Seperrast künnime weidikesse, mes wallawallitsus ülle kaije ja lubbas.     

Moistetu: Et Jakob Lutzar essi eddimane süüdlane ja süggise kessa künd; nink kewwaja muile jälle muide kessi rahha eest wälja möie. Olles Jakob Lutzar essi trahwi wäärt.   

Otsus: Teggewa eggaüts Lutz-Kolga perremehhe om(m)a künnet ja walmis arrit põld, olgo kessa, ehk muiale; - wanna modo tõwwus. Ent eddespiddi peawa eggaüts nida pruukma, kui protokoll sel 19sel mail s.a. Nr 49 näitap, mes ka neile ette om loetu. -       

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.   

                         Kohtowannemb, J Pihho

                         Kohtomees, Johann Keerd

                         Kohtomees, Karel Kooskora

                               Kirjotaja, J. Käis

Jakob Lutzar sellega rahho jäänu; nink ka tõise. -