Wanna Koiola koggokonna kohtun Wissen, sel 4tal junil 1875

Man olliwa kohtowan(n)emb, Jaan Pihho

                    kohtomees, Johan Keerd

                    kohtomees, Karel Kooskora

Põlwa oppetaja herra kirja perra, messel 19nel mail s.a. Nr 169, kaibap katte Mam(m)aste külla poisi, nim(m)elt: Michel Kattai ja Johan Pihho päle, et ne poisi kige juurtega lille muide käbaste päält ülles kaknu, ja om(m)e käbaste päle pandnu; Michel Kattai olla lilli ja lille juure karmanin olnu, mes essi olla wälja wõtnu. Nõwwap neid poise trahwitus sada. -

Michel Pihho om(m)a poja eest wastutas: Minno poig ei olle mitte kaknu; enge Michel Kattai olla kül kaknu ja minno poiga ka ütten petnu hendaga kerrikot kaema, nink perrast sis kurja teggema lännu.

Michel Kattai wastutas:"Meije kakkime mõllemba."

Mõistetu: Et se awwalik om ka neide om(m)a wälja üttelus perra, et lille om(m)a ülles kisknu, ja Michel Kattai paljo wannemb, kui Johan Pihho

Otsus: Saap Michel Kattai 10 witsa ja Johann Pihho 5 witsa lööki, ehk kui ei tahha, woip ka rahhas mudatus sada, mes kerriko waeste ladiko hääs peap sama. Rahha peap 14 päiwa sissen sija sisse mast ollema, ehk wõtko täämba nim(m)itet lögi.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                  Kohtowannemb, J Pihho

                  Kohtomees, Johann Keerd  XXX

                  Kohtomees, Karel Kooskora  XXX

                        Kirjotaja, J. Käis