Josep Tode kaebas, et Michel Wassila wõtnu tona temma wijoli mis 15 rubl. wäärt, nink ei anda taggasi, - selleperrast nõuda omma wijol taggasi ehk 15 rubla, agga parremb omma wijol.

Kaewataw Michel Wassila ei woinu salgada et ta ei olle wõtnu, enge ütles, et ta tona ükskörd sedda wijolit Melliste körtsi man lönu, nink andnu wimati se wijoli Karl Praakle kätte, kes tedda Lusti Janiga kaklema sundinu - nüüd ei anda ta sedda wijolit ennamb taggasi.

Karl Prakle ütles, et ta minno kätte wijolit ei annu - minne tija kos ta se wijoli jättis, kui ta taplema läts, minna tullin enne ärrä ta jäi senna.

Michel Wassila lubbas wimati Josep Todele se wijol henne wahhel ärrä maksa.

Moisteti: Et temmal se lubbamine täita.

Se otsus sai neile kulutud.

Pä kohtomees Jaan Mollok

Kohtomees Jaan Kärik Karl Prakel

Kirjotaja F. Thal <allkiri>.