Wanna Koiola koggokonna kohtun Wissen, sel 16nel junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Jõggiso kaibap Peep Märdison päle, et se tälle ütskõrd suud wasta löönu, mes päle werri nõnnast wälja tulnu ja nõwwap 25 rubl.

Peep Märdison wastutas: Minna ei olle tälle löönu. Tem(m)a kiskse minno käest atra, minka minna kiik kewwai olle kündnu, mes päle moisawallitsus woip tun-

nistust anda

Moisa wallitsus ja tunnistaja Jürri Ermel and tunnistust kirja läbi: Sel silma pilgul olliwa meije mõllembide selja neide pole kääntu, nink kui ümbre känime; sis näijeme mõllemba, et werri Jaan Jõggiso nõnnast wälja joosk.

Moistetu: Et sest nätta, et werri es woi kül muido nõnnast wälja tulla, kui löömisse läbbi sel silma pilgul, kui sälja pole olliwa kääntu neil kattel tunnistajal.

Otsus: Massap Peep Märdison 2 rubl Jaan Jõggiso kätte 14 päiwa sissen hallo rahhas. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                            Kirjotaja, J. Käis