Wanna Koiola koggokonna kohtun Wissen, sel 16nel junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peter Kurwitz kaibap om(m)a welle Jaan Kurtitz päle, et tem(m)a lubbanu 25 junil 1874 protokolli perra Nr 138 tälle mõtsa wastsest maast 2 dessatini; 1/3 alla dessatini tarre ümbrelt; nink 1/2 dessatini karja maad. Tarre ümbrelt ma om käen, ent muido weel samata. Nõwwap tem(m)a käest maad säält, kohhe kartohwli om(m)a tettu, röa ma sitt weetu. -

Jaan Kurwitz wastutas: Minna säält ei taha anda; enge anna kolmest paigast muialt.

Peter Kurwitz wastutas: Minna säält ei wõi wõtta, kos walla pallo om; enge kui sa üts kõrd ollet lubbanu rassedast maast ja om(m)a käega kinnitanu; sis olgo ka rasse-ma ja ütten tükkin kige karjamaga. - Leppingut ei murra jo märanegi kohhus katski. -

Moistetu: Et Peter Kurwitz Jaan Kurwitza lihhalik welli ja Jaan Kurwitz essi üllewel nim(m)itet protokolli perra ka om maad wellele lubbanu ja om(m)a käega kinnitanu lepmisse wisil.

Otsus: Sis peap Jaan Kurwitz om(m)a wellele 2 dessatin alla mõtsa rassedast ja 1/2 dessatini karjamaast andma, säält kohhe Peter Kurwitz tem(m)a welli kar-

tohwli ten(n)u, ja röama sit widdanu, nink karjama ka säält sam(m)ast otsast. Nim(m)elt Mõtskaddaja pole min(n)a kurra-kät alt poolt Kuselombi Hindreki. Ent Peter peap essi rent se ma eest masma, mes kohhus eddespiddi Jaan Kurwitza mõtsa-ma rendi arwust mahha arwap. - Nink Jaan Kurwitz peap om(m)a lubbat ja om(m)a käega kin(n)itet lepping täütma; nink ei woi kuigi wisi sedda tõiste pöörda; kolmest paigast kerge maa lubbamissega. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                               Kirjotaja, J. Käis

Jaan Kurwitz pea selle otsussega ei woiwat rahho jäda, pallel protokoll wälja, mes ka kohhus hää melega lubbas. -

Jaan Kurwitz protokoll wälja sanu sel ..... junil s.a.