Wanna Koiola koggokonna kohtun Wissen, sel 16nel junil 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/ Saije ette woetus, mes sel 4tal junil s.a. Nr 70 polele jäije/

Jakob Rettel and tunnistust: Peter Hindrekson sõimas Johan Jägerit hora pojas nink ütles sa ei tohhi suurt teed möda ristirahwa sean kõndi. Perrast tulli Jaan Juks üllewalt suurt teed pitte Johan Jäger manno ja wõt tedda kinni; nink Peter Hindrekson nüppeld roodjaga tedda takkast. Perrast pässi Johan Jäger ärra; sis wõttiwa Michel Kurwitza kinni.

Michel Sell and sedda sam(m)a wisi tunnistust ja ütles weel päle: Et Peter Hindrekson ja Jaan Juks olla üttelnu: Olles meije neid mõllembid hiusit möda usaida sanu witta, sis olles woinu tetta, kas ilmast wälja." 

Jaan Juksi naine olla sellepäle üttelnu: Kes hora poiga perran nõud." -

Peter Juks ütles ka sedda sam(m)a wisi, kui ne tõisege.

Peter Ostra and ka tunnistust: Et ne mõllemba olla roodja ja kõiwo malgu neid pesnu. " 

Moistetu: Et se koggoni awwalik om tunistajide läbbi,et : Peter Hindrekson ja Jaan Juks, mõllemba sure tee päle kaklema lännu ja pälegi tõist sõimanuwa hora ja litsi pojas, konna se kangest sädussen keeltu om. Massawa kumbgi 5 rublad hallo rahhas Johan Jäger ja Michel Kurwitzale. Ent se eest et ilma kahjo ja kurja teggemisseta neid kangest pessiwa ja sõimsiwa: istwa mõllemba Jaan Juks ja Peter Hindrekson 3 ööd päiwa siin koggokonna kohto maja türmin. Kui kahjo olles, ehk ollemata tettu; sis olles mõllemba piddanu kaibama ja mitte essi om(m)a röwimisse õigust pruukma. Rahha peap 14 päiwa sissen ärra mastus sama; nink rassedast pessetu jäwa sekõrd trahwist prii; sest et sure tee pääl om sündinu.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu

                     Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                           Kirjotaja, J. Käis

Peter Hindrekson protokoll wälja sanu sel 18nel junil s.a.  Kirjotaja, J. Käis