Wanna Koiola koggokonna kohtun Wissen, sel 27tal junil 1875.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Andreiman ja Peter Kottisse kaibawa, et Peter Haidak seppi kodda, ilma korsnata, kolm kõrd pallamisse päält kinni woet; nink neide maja liggi; nõudwa et  säält Peter tem(m)a muijale wiis; sis om(m)a rahho; nink ei olle ka pallamisse eest paljo. -

Peter Haidak wastutas;"Sedda wastuta minna om(m)a maja ja krami nink warraga, kui peas pallama minnema; ent enne kassigo tem(m)a om(m)a kedi kodda ka  säält ärra." -

Moistetu: Et kedikodda ei puttu Peter Haidak´le middagi ja tem(m)a om(m)a platzi pääl; sis ei woi Peter Haidak sundi laotama, ei jõwwa ka om(m)a warraga wastutada, enge kohhus annap se ülle otsusse

Otsus: Täämbatsest päiwast arwat, ei tohhi Peter Haidak tuld kotta tetta, kui peas ette tullema, sis istup egga kõrd Peter Haidak 3 ööd päiwa koggokonna kohto türmi majan kinni; kui tõiste paika kaugele ei tahha wälja tetta. Ent kui õnnetus om tulnu, sis täüdap Peter Haidak om(m)a lubbamisse. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                          Kirjotaja, J. Käis