Wanna Koiola koggokonna kohtun Wissen, sel 27tal junil 1875

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Hanso tüttar Ewa Pihho nõwwap om(m)a mehhe Johann Sareal eestsaismisse man om(m)a essa perrandust, mes sel 16 septembril 1835 Nr 16 al ülles pantu. 

Nim(m)elt: 4 lehma, 1 härg 3 õhwa 4 lam(m)ast  2 tsikka  2 pari wastsit rõiwid, katte särgi täüs rõiwast ja kuus pöra lin(n)ast rõiwast ja weel muud rõiwast. 7 rõiwa sukka 1 linna harri, katte lamba rawwa ja weel kiik muud maja riisto. Nõwwap sedda nüüd 40 aasta takkast Johann Mollok käest kätte sada

Tem(m)a em(m)a Katre Mollok wastutas om(m)a kolmanda mehhe Johann Mollo eestsaismisse man seddawisi:"Se warrandus ei olle mitte sis ülles pantu, kui minna Johan Mollokale lätsi, enge minno tõise mehhe Johan Kink aigo. Kui minna Johan Mollokale lätsi, sis olli minno maja warrandus 4 lehma, 2 hobbest, mes 10 rubl paar massiwa, wilja middagi es olle, enge 2 küllimütti nisso ja 1 küllimüt uppe saije perrast tõise mehhe Johann Kink koolmist kokko jahwatedus ja sest leib tettus, ent puhtide aigo es olle ennämb kui 1 1/2 pätsi hagganast leiba. Se olli kiik se maja warrandus. -

Johann Mollok ütles:"Minna olle tem(m)a ülles kaswatanu, kui ütte all ealisse wäiko latse, nink kui mehhe ealisses saije, sis anni tem(m)a essa perrandussest: 

2 lehma ja 1 lam(m)as; nink tubli rõiwa kirit, mes kuwwele mehhele wiljand saije päle tõsta; arwata hinna perra üts 75 rubl wäärt; selleperrast ni paljo, et tem(m)a ütsik tüttar olli. Päle selle olle weel tem(m)a essa Hanso wõlga masnu: 15 rubl Peep Harmsele, 15 rubl Jaan Plakle, 50 rubl kaupmees Weelingele Tarto, nink 20 rubl Josep Kink´le, mes kokko teep 100 rubl puhhast rahha om(m)ast käest. Ent ne wõlla nõudja om(m)a kiik nüüd selle kauge aja takkast ärra koolnuwa.

Päle se  olle weel tälle wõlla päle andnu: 4 1/3 wak. keswi, 1 wak linnasemnit, 2/3 wakka tatreka ja 2/3 wakka hernid; nink puhhast rahha 23 rubl hobbese osta. Ent sedda rahha nõwwa minna teggasi, kel man minna tem(m)a palwe päle käe mehhes olli, ent willi woip jäda. -

1, Kohto arwaminne om, et se kül nätta awwalikkult, et Johan Sareal om(m)a naisega om(m)a kokko lepnu ja pälegi 40 aasta takkast, Johann Mollokat nink tem(m)a 75 naist, ehk tütre em(m)a awwalikkult kiusada; konna Johan(n) Mollok ja tem(m)a naine ehk em(m)a tem(m)ale kül sest wäikost maja warrandussest rohkemb om(m)a andnu, kui kül piddanu olles andma, nink pälegi ülles kaswatanu ja ausast mehhele pandnu.

2, Om jobba 19 aastat taggasi, kui mehhele läts; nink ei olle enne konnagi selle ülle kaibust tõstnu,

3, Ewa Sareal om(m)a mehhe Johan Sareal´ga, ei olle enne märganu, tem(m)a 46 aastat wanna ja jobba ennämb kui kats täwweealisses samisse ikka om möda lasknu minna.

Otsus: Sis ei olle Ewa Sareal om(m)a mehhe Johann Sareal nim(m)el § 937 perra kige wähhembat nõudmist Johann Molloka ja om(m)a 75 aastalisse wanna em(m)a käest; ent sega, mes om(m)a sanu peawa mõllemba rahho ollema; ent se rahha 23 rubl peap Johan Sareal Johann Mollok kätte, mes hobbese osta pallelnu, sel 15 oktobril s.a. ärra masma. 

Kohtokäüjile otsus ette loetu, suremba kohto kümisse sädus § 772, 773 n. 774 perra kulutedu. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, Karel Kooskora  XXX

                                  Kirjotaja, J. Käis

Johann Sareal ei olle selle kohto otsussega rahho, pallel protokoll wälja, mes ka kiik kohto mehhe lubbasiwa.

Johann Sareal protokoll wälja sanu sel 1sel julil s.a. 

                                                                                               Kirjotaja, J. Käis