Wanna Koiola koggokonna kohtun Wissen, sel 27tal junil 1875.

Man olliwa kohtowannemb, Jaan Pihho

                    kohtomees, Peep Tobre

                    kohtomees, Johann Keerd

Johann Jäger kaibap, et tem(m)a lännu linna teggema, sepäle tulnu Peter Pik manno ja hobbese käest ärra ajanu, nink tedda henda põlwiga ja jallaga pesnu, ja ka hiusit pääst kaknu. Nõwwap 100 rubl. -

Peter Pik wastutas;"Minna ütli tem(m)a pojale, minna sedda linna tetta ei lasse ja aije hobbese ärra; sis ütles Johann Jäger mulle, Sarw lakku minno perst! ja wissas kiwwiga mulle kange lögiga rindo ja haard maast roodja; nink nakkas sega minno takkan ajama, rööwli kombel, kui ello-wõtja

Michel Kiik and tunnistajas:Et Peter Pik olla tedda wasta üttelnu: Minne sin(n)a ärra, lasse perremehhel sedda maad teggema tulla, sis tahha käe jalla katski murda. 

Johann Konna ütles: Peter Pik olla tedda wasta üttelnu: "Kuis sa ni rum(m)al ollet, et tullet linna külwma, perremees päiwa wiggurdas, ent öse tahhap minno ärra tappa pojaga ja ku se linna kassus, sis wist kakmisse aigo tõine meist tappetus saap." -

Moistetu: Et kum(m)altki poolt selget tun(n)istust ei olle, enge katte tunnistaja perra, et een pool woip käe ehk jalla murdminne, nink tapminne kül tulla, ent neide mõllembide om(m)a kõnne perra, olla tõine ja tõine pestus sanu.

Otsus: Ei sa kaibaja kui kaiwataw, kumb kum(m)agi käest middagi, ent linna, mes kessa tettu jääp Johan Jäger perralt. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                    Kohtowannemb, 

                    Kohtomees, Peep Tobre  XXX

                    Kohtomees, Johann Keerd  XXX                   

                    Kohtomees, Karel Kooskora XXX

                         Kirjotaja, J. Käis

Peter Pik protokoll wälja sanu, sel 1sel julil s.a. 

                                                                          Kirjotaja, J. Käis